बीड : चॉकलेट चोरल्याच्या संशयावरून एका लहान मुलास कपड्याच्या सहाय्याने झाडाला बांधण्यात आले होते. हा धक्कादायक प्रकार बीडच्या केज तालुक्यातील येवता या गावात घडला असून या प्रकरणी तीन जणांविरुद्ध पोलिसात गुन्हा दाखल करण्यात आला आहे. 

येवता (ता. केज) येथील बाळू गायकवाड असं त्या मुलाचे नाव आहे. (Beed News) बाळू हा इयत्ता तिसरीच्या वर्गात शिक्षण घेतो. शाळेत गेल्यानंतर दुपारच्या सुट्टीत गावातील एका दुकानात तो गेला होता. त्या ठिकाणी त्याने चॉकलेट चोरल्याच्या संशयावरून सदरील दुकानदार महिलेने त्याला कपड्याच्या सहाय्याने झाडाला बांधून ठेवले होते. दुपारच्या सुट्टीत मुलगा घरी न आल्याने त्याच्या आईने त्याचा शोध घेण्याचा प्रयत्न केला. परंतु तो मिळून आला नाही. 

दरम्यान याबाबतची माहिती घरच्याना मिळाल्यानंतर बाळूची सुटका करण्यात आली. घडल्या प्रकाराबाबत बाळूने सर्व हकीकत सांगितल्यानंतर या प्रकरणात तिन जणाविरुद्ध केज पोलीस ठाण्यात गुन्हा दाखल करण्यात आला आहे. याबाबत (Police) पोलिसांकडून तपास सुरु आहे.