बीड : पैठणच्या जायकवाडी धरणात मोठ्या प्रमाणात पाण्याची आवक सुरू आहे. धरण 95 टक्क्यांपेक्षा जास्त क्षमतेने भरले आहे. यामुळे या धरणातून (Godavari River) गोदावरी पात्रात 76 हजार क्युसेस वेगाने पाण्याचा विसर्ग सुरू आहे. नदीला मोठा पुर आल्‍याने माजलगाव (Majalgaon) तालुक्‍यातील ५८ गावांना संभाव्‍य पुराचा धोका वर्तविला आहे. (Beed News Jayakwadi Dam)

गोदावरी नदीला पूरस्थिती निर्माण (Beed) झाली असून देशातील साडेतीन शक्तीपीठापैकी एक असणाऱ्या गेवराई तालुक्यातील श्री क्षेत्र राक्षसभुवन येथील शनी मंदिराचा एक मजला पूर्णतः पाण्याखाली गेला आहे. तर दुसरीकडे पांचाळेश्वर येथील दत्त मंदिर देखील पूर्णतः पाण्याखाली गेले आहे.

प्रशासनाकडून सतर्कतेचा इशारा

दरम्यान बीडच्या गेवराई तालुक्यातील 32 आणि माजलगाव तालुक्यातील 26 अशा 58 गोदावरी नदीकाठच्या गावांना संभाव्य पुराचा धोका आहे. यामुळे प्रशासनाने या गावातील नागरिकांना सतर्कतेचा इशारा दिला असून नदीपात्रात उतरू नका असं आवाहन गेवराईचे तहसीलदार सचिन खाडे यांनी केले आहे.