बीड : नुकत्याच लागलेल्या नगरपंचायत निकालानंतर विजयाचा उत्सव एकीकडे साजरा करणारे नगरसेवक पाहायला मिळत आहेत. मात्र, बीडच्या (Beed) केज (Kej) नगरपंचायत मधील एका नवनिर्वाचित नगरसेवकाविरोधात, चंदन तस्करी प्रकरणात अंबाजोगाई ग्रामीण पोलिस ठाण्याच्या हद्दीत चंदन तस्करीप्रकरणी गुन्हा दाखल करण्यात आला आहे. बाळासाहेब जाधव असे नगरसेवकाचे (Corporator) नाव आहे.

हे देखील पहा :

सामाजिक न्याय मंत्री धनंजय मुंडे (Dhananjay Munde) यांच्या समवेतचा त्याचा फोटो सोशल मिडियावर व्हायरल होत आहे. अंबाजोगाई (Ambajogai) पोलिसांना मिळालेल्या गुप्त माहितीवरून, बाळासाहेब दत्तात्रय जाधव त्याच्या साथीदारांसह वाघाळा शिवारात आंबासाखर कारखाना जवळील देवराव कुंडकर यांच्या शेतातील, पत्र्याच्या शेडमध्ये चंदनाच्या झाडाची चोरी करून, झाड व झाडाचे खोड तपासून गाभा काढत आहे, अशी खात्रीलायक माहिती पोलिसांना मिळाली.

यावरून प्रत्यक्ष कारवाई केली असता 27 किलो चंदनाचा गाभा पकडला असून यावेळी 67 हजार 500 रुपयांचा मुद्देमाल जप्त करण्यात आला आहे. तर, या प्रकरणात देवराव भानुदास कुंडकर, बाळासाहेब दत्तात्रेय जाधव, सतीश या तीन आरोपी विरोधात कलम 379,34,भांदवी सह 26 एफ,41, 42 भारतीय वन अधिनियमा नुसार गुन्हा दाखल करण्यात आला आहे.

Edited By : Krushnarav Sathe