बीड : बीड जिल्ह्यातील महिलांच्या गर्भ पिशव्यांच प्रकरण, साम टीव्हीने समोर आणल्यानंतर या प्रकरणात बीड जिल्ह्यातील महिला आक्रमक झाल्या आहेत. गर्भपिशव्या काढू नका व गर्भाशय काढण्यावर बंदी घालण्यासाठी कायदा करा, हि मागणी घेऊन हजारो महिला आज रस्त्यावर उतरल्या आहेत.

हे देखील पहा -

बीडच्या केजमध्ये महिला अधिकार मंचाच्या वतीने मोर्चा काढण्यात काढण्यात आला आहे महिलांचे कारण नसताना गर्भाशय काढण्यावर निर्बंध घालून तात्काळ कायदा करण्यात यावा. तसेच गर्भाशय काढलेल्या महिलांना पेन्शन लागू करावी. यासह अन्य मागण्यांसाठी हा मोर्चा काढण्यात आला आहे.

या मोर्चात दोन ते तीन हजार महिला सहभागी झाल्या होत्या. हा मोर्चा आंबेडकर चौकापासून सुरु होऊन तहसील कार्यालयावर धडकला. यावेळी महिलांनी सरकारच्या आणि प्रशासनाच्या विरोधामध्ये जोरदार घोषणाबाजी केली.

Edited By : Krushnarav Sathe