योगेश काशिद, साम टीव्ही

संतोष देशमुख यांच्या हत्या प्रकरणाचे फोटो समोर येताच सर्वसामान्यांकडून एकच संताप व्यक्त केला जात आहे. मस्साजोगचे सरंपच संतोष देशमुख यांचं अपहरण करून हत्या करण्यात आली. संतोष देशमुख यांची सहा जणांनी विकृत पद्धतीने हत्या केली. या संतोष देशमुख प्रकरणात महत्वाचे पुरावे हाती येऊ लागले आहेत. याच प्रकरणातील अमानुष मारहाणीचा आणखी एक पुरावा हाती लागला आहे.

मस्साजोगचे सरपंच संतोष देशमुख यांना मारहाण केलेल्या पाईपचे १५ तुकडे समोर आले आहेत. सीआयडीने जप्त केलेल्या पाईपचे १५ तुकड्यांचा फोटो आरोप पत्रात सापडले आहेत. संतोष देशमुख यांना झालेल्या अमानुष मारहाणीचा आणखी एक पुरावा समोर आला आहे. त्यामुळे संतोष देशमुख प्रकरणातील आरोपींच्या अडचणीत आणखी भर पडणार आहे.

सीआयडीच्या दोषारोप पत्रात नेमकं काय?

संतोष देशमुख यांना मारहाण करतानाच्या पाईपचे 15 तुकडे सीआयडीकडे जप्त करण्यात आले आहेत. या दोषारोप पत्रातून ही माहिती समोर आली आहे. पाईपच्या 15 तुकड्यांचा फोटो सीआयडीने आरोप पत्रात दिला आहे. अमानुषपणे संतोष देशमुख यांना मारहाण करताना पाईपचे 15 तुकडे झाले होते. तेच पंधरा तुकडे यांचा फोटो सीआयडीच्या दोषारोप पत्रात देण्यात आला आहे.

मस्साजोगचे सरपंच संतोष देशमुख यांना अमानुषपणे मारहाण करण्यात आली. यावेळी मारहाण करतानाच्या पाईपचे 15 तुकडे झाले होते. या 15 तुकड्यांचा फोटो सीआयडीने दोषारोप पत्रात दिला आहे.

दरम्यान, संतोष देशमुख प्रकरणात काळ्या चारचाकीमध्ये १९ महत्वाचे पुरावे सापडले आहेत. सुदर्शन घुलेच्या काळ्या रंगाची कार महत्वाची ठरली आहे. आरोपींनी वापरलेले तीन मोबाईल सापडले आहेत. त्यात व्हिडिओ आढळून आले आहेत. त्यात काळ्या काचेचे दोन गॉगल्स आहेत. सुदर्शन घुलेचे मारहाण करतानाचे काळ्या रंगाचे जॅकेटही कारमध्ये सापडले आहेत. त्यात सहा आरसी बुक सापडले आहेत.