योगेश काशिद, साम प्रतिनिधी

बीड जिल्हातील नादलगाव येथील आदिवासी समाजातील ग्रामरोजगार सेवकाला जातिवाचक शिवीगाळ करत गावातील काही दहा ते बारा गावगुंडानी मारहाण केलीय. ग्रामरोजगार सेवकाच्या घरात दोन्ही पाय मोडलेत. मारहाण केल्यानंतर गुंडांनी त्याच्या खिश्यातील ५० हजार रूपये , मोबाईल काढून घेतला.

ही घटना दिनांक ६ डिसेंबर रोजी सकाळी साडेदहा वाजण्याच्या सुमारास उघडकीस आली आहे. गावगुंडांनी ग्रामरोजगार सेवकाला दुचाकीचाला बांधून गावातील चौकात ओढत आलं. त्यानंतर त्याला लाठ्याकाठ्यांनी मारहाण केली. इतकेच नाहीत पोलिसांनी ग्रामरोजगार सेवकांची साधी तक्रार सु्द्धा घेतली नाही.

'तु लय माजलास, तुला आम्ही सोडणार नाही, जिवे मारून टाकूत, तुझ्या कुटूबाला गावात राहू देणार नाहीत, अशा धमक्या नादलगाव येथील ग्रामरोजगार सेवकाला जबर मारहाण करण्यात आली. ही घटना ६ डिसेंबर रोजी घडली. जालिंदर सुरवसे (वय ३५ वर्षे ), असं ग्रामसेवकाचे नाव आहे. सुरवसेला जातिवाचक शिवीगाळ करत मारहाण केली.

सुरवसेला दुचाकीला बांधून गावातील चौकात ओढत नेलं. लाथाबुक्यानी आणि लोखंडी रॉड, काठ्यांनी मारहाण केली. याप्रकरणी तलवाडा पोलीस स्टेशन येथे जालिंदर सुरवसे यांची बहीण उषा सांळूके आणि आई या दोघी तक्रार देण्यासाठी गेल्या. त्यांना पोलिसांनी राजकीय दबावापोटी पोलीस स्टेशनच्या बाहेर काढले.

बीड जिल्ह्यातील गुंडागर्दी काही करता कमी होताना दिसत नाहीये. संतोष देशमुख हत्या प्रकरणानंतर बीड जिल्ह्याच नाव अख्खा राज्यात चर्चेत आलं. त्यानंतर तेथील गुन्हेगारी कमी करण्यासाठी पोलीस प्रशासन अॅक्शन मोडवर आले. मात्र बीड जिल्ह्यातील गुन्हेगारी कमी होताना दिसत नाहीये. बीडमधील गावगुंडांना कायदाचा धाक राहिला नाहीये.

राजकीय दबावातून पोलीस यंत्रणा सुद्धा त्यांना वरहस्त देतेय. त्याचेच उदाहारण शुक्रवारी घडलेल्या घटनेवरून सिद्ध झालंय. मारहाण झालेल्या ग्रामरोजगार सेवकाची आई आणि बहिण पोलीस स्टेशनला तक्रार देण्यासाठी गेल्या तेव्हा त्यांना पोलीस स्टेशनमधून बाहेर काढण्यात आलं.