योगेश काशिद, साम टीव्ही, प्रतिनिधी

बीड जिल्ह्यात बाल विवाहबाबत धक्कादायक माहिती आणि आकडेवारी समोर आली आहे. आरोग्य विभागाच्या प्रजनन व बाल आरोग्य पोर्टलवरील नोंदीनुसार गेल्या वर्षभरात १८ वर्षांखालील बारा मुली गर्भवती झाल्याचे आढळलं आहे. तर तब्बल ११ मुलींची प्रस्तुती झाली आहे. या मुली १३ ते १७ वर्ष या वयोगटातल्या आहेत.

बीड, गेवराई, वडवणी, आष्टी, केज, धारूर आणि शिरूर कासार या तालुक्यातील घटना यामध्ये समाविष्ट आहेत. आरोग्य विभागाच्या आरसीएच पोर्टलवर गर्भवतींच्या नोंदीत अल्पवयीन मुलींच्या पतींचे नावही आहे. यावरुन मुलींचे बालविवाह झाल्याचं यातून दिसून आला आहे. याचा अर्थ अजूनही बीडमध्ये बालविवाह होत आहेत.

गेल्या वर्षभरात बारा मुली गर्भवती झाल्या असून त्यातल्या दहा मुलींचे वय फक्त पंधरा वर्षे इतकं होतं, तर बीड जिल्हा रुग्णालयात १३ ते १७ वयोगटातल्या ११ मुलींची प्रस्तुती झाली. यातल्या बहुतांशी मुली या लैंगिक अत्याचाराच्या बळी होत्या. बालविवाह प्रतिबंधक कायदा २००६ नुसार १८ वर्षाखालील मुलींचा आणि २१ वर्षाखालील मुलांचा विवाह बेकायदेशीर आहे या कायद्यानुसार बालविवाह लावून देणाऱ्या पालक मध्यस्थ व नातेवाईकांना दंड आणि तुरुंगवासाच्या शिक्षेची तरतूद आहे, बालविवाहाची खळबळ जनक आकडेवारी समोर आल्यानंतर जिल्हा प्रशासनाकडून बालविवाह रोखण्यासाठी उपाययोजना कराव्यात अशी मागणी होत आहे.

बीडमध्ये साखर कारखान्यात काम करणाऱ्या स्थलांतरित मजुरांमध्ये बालविवाहाचे प्रमाण जास्त असल्याचे देखील समोर आलं आहे आर्थिक अडचणी मुलींच्या सुरक्षेची भीती यासारख्या कारणांनी पालकांकडून मुलींचे लग्न लावून दिले जात आहे. बालविवाहांमुळे अल्पवयीन मुलींची गर्भधारणा नवजात बाळासह मुलींच्या जीवालाही धोका निर्माण होतो असे अनेक प्रश्न आरोग्य चे प्रश्न निर्माण होतात मात्र या धक्कादायक आकडेवारीमुळे बीड जिल्ह्यामध्ये आरोग्य विभागामध्ये चांगलीच खळबळ मारली आहे.