Breaking News

Viral Video : भाजपच्या आमदाराने तिरंग्यानं पुसलं नाक, राष्ट्रध्वजाचा अपमान केल्यानं नेटकऱ्यांचा संताप

Viral News : सोशल मीडियावर भारतीय जनता पार्टीचे आमदार बालमुकुंद आचार्य यांचा व्हिडीओ व्हायरल झाला आहे. या व्हिडीओमध्ये त्यांनी तिरंग्याने चेहरा पुसला. या कृत्यामुळे बालमुकुंद आचार्य यांना ट्रोल केले जात आहे.
Viral Video
Viral VideoX
Published On: 

भारतीय जनता पार्टीचे राजस्थानमधील आमदार बालमुकुंद आचार्य यांचा एक व्हिडीओ व्हायरल होत आहे. यामध्ये त्यांनी तिरंग्याने नाक पुसल्याचे पाहायला मिळते. ऑपरेशन सिंदूरनंतर भारताच्या शूरवीरांना सन्मानित करण्यासाठी भाजपकडून देशभरात १० दिवसांच्या तिरंगा रॅलीचे आयोजन करण्यात आले आहे. या रॅलीमध्ये बालमुकुंद आचार्य यांनी चेहऱ्यावरचा घाम तिरंग्याने पुसरल्याने वादाला सुरुवात झाली आहे. हा व्हिडीओ शेअर काँग्रेस नेत्यांनी भाजपवर टीका केली आहे.

व्हायरल व्हिडीओमध्ये भाजपचे आमदार बालमुकुंद आचार्य तिरंगा यात्रेमध्ये सहभागी झाल्याचे पाहायला मिळते. त्यांच्या एका हातात गदा आहे, तर दुसऱ्या हातात 'ऑपरेशन सिंदूर पराक्रम अभूतपूर्व' असे लिहिलेला बोर्ड आणि तिरंगा असल्याचे दिसते. चालताना बालमुकुंद आचार्य नाक, तोंड पुसण्यासाठी तिरंग्याचा वापर करतात असे व्हिडीओमध्ये दिसते.

Viral Video
Beed News : पोहायला गेला तो परतलाच नाही, अभियंत्याचा बुडून मृत्यू; आठ तास शोधल्यानंतर मिळाला मृतदेह

यानंतर बाजूला चालत असलेला कार्यकर्ता बालमुकुंद आचार्य यांना चेहरा पुसण्यासाठी दुसरा कपडा देतो, ते त्या कपड्याने चेहरा पुसतात. त्यांच्यामागे बरेचसे लोक चालत असल्याचे दिसते. पाकिस्तान मुर्दाबाद आणि हिंदुस्तान जिंदाबाद अशा घोषणा लोक देत असल्याचेही व्हिडीओमध्ये दिसते. हा व्हिडीओ सोशल मीडियावर प्रचंड व्हायरल झाला आहे.

Viral Video
AC कोचमधून प्रवास करायची हिंमत कशी होते? ड्युटीवर निघालेल्या जवानांशी माजोरड्या TTE ने घातला वाद अन् नंतर...; पाहा तुम्हीच व्हिडिओ

देशभक्तीचे प्रमाणपत्र देणारा आमदार तिरंग्याने नाक पुसत आहे. अशा प्रकारे तिरंग्याचा मान राखला जातो का? राष्ट्रध्वजाचा अपमान करणे हा गंभीर गुन्हा आहे, असे म्हणत काँग्रेसच्या खासदाराने बालमुकुंद आचार्य यांच्यावर टीका केली आहे. काँग्रेसच्या अन्य नेत्यांनीही बालमुकुंद आचार्य यांच्यावर हल्लाबोल केला आहे. बालमुकुंद आचार्य यांनी माफी मागावी अशी मागणी राजस्थान काँग्रेसने केली आहे.

Viral Video
Crime News : बायको-मुलीची हत्या, मग स्वत:ला संपवलं; मृत्यूपूर्वी व्हिडीओ रेकॉर्ड केला अन्...

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com