बीड : एकाच दुचाकीवरून गावाकडे जाणाऱ्या सख्खा भावांच्या दुचाकीला समोरून येणाऱ्या पिकअपने धडक दिली. या झालेल्या भीषण (Accident) अपघातात एका भावाचा मृत्यू झाला आहे. तर दुसरा गंभीर जखमी झाला आहे. ही घटना बीडच्या बोरी पिंपळगाव येथे २० एप्रिलला घडली आहे. (Tajya Batmya)

बीड (Beed) जिल्ह्यातील उमापूर येथील दादासाहेब भगवान सांगुळे (वय ३९) व उमाकांत भगवान सांगुळे (वय ४१) हे दोघे भाऊ कामानिमित्त गेवराईला गेले होते. काम आटोपल्यानंतर ते दुपारी उमापूरकडे परतले होते. दरम्यान बोरी पिंपळगाव येथे समोरून मासे घेऊन येणाऱ्या पिकअपने दुचाकीला जोरदार धडक दिली. या अपघातात दादासाहेब सांगुळे यांचा जागीच मृत्यू झाला. तर भाऊ उमाकांत सांगुळे गंभीर जखमी झाला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जखमी रुग्णालयात दाखल 

अपघात घडल्यानंतर गावातील नागरिकी मदतीला धावले. सदरच्या अपघातात गंभीर जखमी अवस्थेतील उमाकांतला पुढील उपचारासाठी (Sambhajinagar) छत्रपती संभाजीनगर येथील रुग्णालयात हलवले आहे. दरम्यान या दुर्दैवी घटनेने हळहळ व्यक्त केली जात असून याप्रकरणी गेवराई पोलीस ठाण्यात गुन्हा दाखल झाला आहे.