बारामती : पुणे-सोलापूर महामार्गावर पोलिसांनी तब्बल 50 लाखांचा गांजा जप्त केला आहे. दौंड तालुक्यातील पाटस गावाजवळ यवत पोलिसांनी गांजा तस्करी करणाऱ्या टोळीला पकडले आहे. यावेळी पोलिसांनी 50 लाखाचा गांजा जप्त केला आहे. यवत पोलिसांनी पाटस गावच्या हद्दीत रविवारी मध्यरात्री एक मालवाहतूक ट्रक ताब्यात घेतला आहे. (Baramati crime news 50 lakh marijuana seized by Yavat police)

यवत पोलिसांनी (Yavat Police) या ट्रकची तपासणी केली असता यात सुमारे 50 लाख रुपये किमतीचा गांजा (Marijuana) आढळून आला. यामध्ये पोलिसांनी जवळपास 10 पेक्षा अधिक आरोपींना ताब्यात घेतले असून रविवारी सकाळी यवत पोलीस (Police) ठाण्यात गुन्हा दाखल करण्यात आला आहे.

हेही वाचा -

हा गांजा परराज्यातून पुणे जिल्ह्यातील काही दुकानात आणि मुंबईत विक्रीसाठी आणण्यात येणार असल्याचा संशय पोलिसांना आला. याप्रकरणामुळे जिल्ह्यातील मोठे मासे गळाला लागण्याची शक्यता आहे.

बारामतीत दोन गावठी पिस्टलसह तीन जिवंत काडतुसे जप्त

बारामती पोलीस स्टेशनच्या हद्दीमध्ये विक्रीसाठी आणलेली दोन पिस्टल आणि तीन जिवंत काडतुसे पोलिसांनी पकडली आहेत. याप्रकरणी पोलिसांनी एकाला ताब्यात घेतले असून त्याच्यावर गुन्हा दाखल करण्यात आला आहे. धर्मराज वाघमारे असे अटक करण्यात आलेल्या आरोपीचे नाव आहे. पोलिसांनी त्याच्याकडून 50 हजार रुपये, दोन पिस्टल, तीन जिवंत काडतुसे आणि गुन्ह्यात वापरलेली कार असा 4 लाख 50 हजाराचा मुद्देमाल जप्त केला आहे.

Edited By - Nupur Uppal