सातारा : लोकनेते बाळासाहेब देसाई सहकारी साखर कारखान्याच्या (balasaheb desai sugar factory) निवडणुक यंदा बिनविरोध झाली आहे. ही निवडणुक बिनविराेध झाल्याने सर्व संचालकांचे नगरविकास मंत्री आणि शिवसेनेचे (shivsena) बंडखाेर नेते एकनाथ शिंदे (Eknath Shinde) यांच्यासह गुवाहटीत असलेल्या सर्व आमदारांनी राज्याचे गृहराज्यमंत्री शंभूराज देसाई (Shambhuraj Desai) यांचे अभिनंदन केले. (shambhuraj desai latest marathi news)

पाटण (satara) तालुक्यातील लोकनेते बाळासाहेब देसाई सहकारी साखर कारखान्याच्या निवडणुक नुकतीच लागली हाेती. राष्ट्रवादीचे नेते सत्यजीतसिंह पाटणकर (satyajeetsinh patankar) यांच्या गटाने पाटण तालुक्यात साखर कारखाना सुरु केल्याने यंदा देसाई कारखान्याची निवडणुक लढविणार नसल्याची घाेषणा नुकतीच केली हाेती. त्यानंतर अन्य छाेट्या माेठ्या संघटनांनी देखील देसाई कारखाना निवडणुक लढविणार नसल्याची भुमिका घेतली. त्यामुळे यंदा लाेकनेते बाळासाहेब देसाई सहकारी कारखाना निवडणुक बिनविराेध झाली आहे.

सध्या गुवाहटीत असलेले आमदार शंभूराज देसाई यांनी कारखाना निवडणुक बिनविराेध झाल्याची माहिती समाज माध्यमातून देत ही परिवर्तनाची नांदी असल्याचे म्हटले आहे. शंभूराज लिहितात लोकनेते बाळासाहेब देसाई सहकारी साखर कारखान्याच्या निवडणुकीत बिनविरोध संचालक व कारखान्यावर आपल्या (कै.) शिवाजीराव देसाई शेतकरी पॅनेलची सत्ता स्थापन झाली आहे. याबद्दल एकनाथ शिंदे (eknath shinde latest updates) यांनी सत्कार करुन माझे अभिनंदन केले. यावेळी शिवसेनेचे सहकारी आमदार उपस्थित होते.

दरम्यान ही परिवर्तनाची नांदी आहे. शिवसेनेच्या आणि महाराष्ट्राच्या हितासाठी आम्ही कायम कटिबद्ध आहोत असेही देसाईंनी नमूद केले.

Edited By : Siddharth Latkar