औरंगाबाद : वाळूज महानगरमध्ये भीषण अपघात झाला. एनआरबी चौकात झालेल्‍या अपघातात भरधाव ट्रकने दुचाकीला धडक देत दुचाकीस्वारास चिरडले. या (Accident) अपघातात एकाच कुटुंबातील तीघांचा मृत्यू (Accident Death) झाला असून मृतात तीनही भावंडांचा समावेश आहे. (Tajya Batmya)

औरंगाबादच्या (Aurangabad) वाळूज एमआयडीसीतील रांजणगाव फाट्याजवळ मॅन डिझेल कंपनी समोर हा भीषण अपघात झाला. या अपघातात तीन जणांचा मृत्यू झाला आहे. आज सकाळी भाऊ व दोन बहिणी मोटारसायकल (क्र. MH 21, AM 6995) कामाला जात होते. दरम्‍यान रस्‍त्‍यावरच भरधाव वेगात येत असलेल्‍या ट्रकने मागून जोरदार धडक दिली.

तिघांचा जागेवरच मृत्‍यू

कामावर जाणाऱ्या भाऊ बहिणीला पाठीमागून येणाऱ्या ट्रकने जोरदार धडक देत चिरडले. यात भावासहीत दोन बहिणींचा जागेवरच मृत्यू झाला. दीपक कचरू लोखंडे (वय १८), अनिता लोखंडे (वय २०) व निकिता लोखंडे (वय २२) यांचा मृत्यू झाला. हे तिघेही सर्व राहणार रांजणगाव शेणपुंजी येथील होते.