नागपूर: नागपूर जिल्हाधिकारी कार्यालयासमोर एका कर्मचाऱ्याकडून आत्मदहनाचा प्रयत्न करण्यात आला आहे. विनोद नंदकिशोर मेहरोलिया असं आत्मदहनाचा (self-immolation) प्रयत्न करणाऱ्या व्यक्तीचं नाव असून हा व्यक्ती नवीन कामठी, येरखेडा येथील अन्नधान्य पुरवठा विभागात सफाई कामगार (cleaning staff) म्हणून कार्यरत आहे. (Attempt of self-immolation of cleaning staff in front of Nagpur Collectorate)

हे देखील पहा -

मिळालेल्या माहितीनुसार या सफाई कर्मचाऱ्याची स्थायी नियुक्ती (Permanent appointment) आणि वेतन वृद्धी (salary hike) न झाल्याने त्याने याआधीच आत्मदहन करण्याचा इशारा पालिका प्रशासनाला दिला होता. याबाबत पोलिसांनी या व्यक्तीला कलम 149 अंतर्गत नोटीस दिली होती. मात्र तरीही या सफाई कर्मचाऱ्याने आज (२४ मार्च) सकाळी नागपूर जिल्हाधिकारी कार्यालयासमोर (Office of District Collector, Nagpur) स्वतःच्याच अंगावर पेट्रोल ओतून आत्मदहन करण्याचा प्रयत्न केला. यावेळी बंदोबस्तातील पोलिसांनी लागलीच त्याला ताब्यात घेतल्यानं अनर्थ टळला, मात्र हा कर्मचारी अजूनही आपल्या मागणीवर ठाम आहे.

Edited By - Akshay Baisane