रणजीत माजगावकर, साम टीव्ही

पोलीस अधिकारी अश्विनी बिद्रे हत्या प्रकरणाचा फैसला २१ एप्रिल रोजी होणार आहे. गेल्या काही वर्षांपासून या प्रकरणाची सुनावणी अलिबाग आणि पनवेल सत्र न्यायालयात सुरु होती. त्यानंतर आज पनवेल सत्र न्यायालयाकडून प्रकरणात शिक्षा सुनावण्यात येणार होती. बिद्रे प्रकरणात पनवेल सत्र न्यायालयाचे अतिरिक्त सत्र न्यायाधीश के. जी. पालदेवार यांच्याकडून आरोपींना शिक्षा सुनावण्यात येणार होती. मात्र, या प्रकरणाचा फैसला २१ एप्रिल रोजी ढकलण्यात आला आहे.

अश्विनी बिंद्रे हत्याकांड प्रकरणातील आरोपींना आता २१ एप्रिल रोजी शिक्षा सुनावण्यात येणार असल्याचं निश्तिच झालं आहे. कोर्टाने आज सरकारी वकील आणि आरोपीच्या वकिलांचा युक्तिवाद ऐकून घेतला. यासोबतच अश्विनी बिद्रे यांच्या कुटुंबियांची बाजू जाणून घेतली. कोर्टाने या प्रकरणाचा निकाल राखून ठेवलाय.

बिद्रे प्रकरणाचा निकाल आता २१ एप्रिल रोजी जाहीर केला जाणार असल्याचे घोषित केले. कोर्टाने यावेळी हे प्रकरण दुर्मिळातील दुर्मिळ असल्याचं म्हटलं आहे. कोर्टाच्या निर्णयानुसार आता आरोपी अभय कुरुंदकर याला 21 एप्रिलला शिक्षा सुनावली जाणार आहे.

अॅड प्रदीप घरत यांनी कोर्टात काय मागणी केली?

अॅड प्रदीप घरत म्हणाले की, '५० वर्षीय वयाच्या अधिकाऱ्याने त्याच्याच मुलांच्या वयाच्या मुलीची हत्या केली. पोलिसांना समाजात मान आणि विश्वास असतो. पण आरोपीने समाजाचा विश्वास घात केला आहे. आरोपींना मृत्यूदंड देण्याची मागणी केली. पोलिसांनी तपासात मोठा हलगर्जीपणा केलाय. बिद्रे प्रकरणातील अमूल्य पुरावा पोलिसांनी नष्ट केलाय. पोलीस कमिशनर हेमंत नगराळे यांनीही मदत केली आहे'.