ताप आणि इतर आजारांवरील उचारासाठी धाराशिव येथील वैद्यकीय महाविद्यालय रुग्णालयात १६ बालक दाखल झाली होती. त्यांना इंजेक्शन दिल्यानंतर ताप आणि उलटी सुरू झाल्यामुळे खळबळ उडाली आहे. बालकांना अॅटिबायोटीकचे इंजेक्शन दिल्यानंतर थंडी वाजून येणे,उलट्या होणे असा प्रकार समोर आला आहे. त्यामुळे त्या बॅचमधील इंजेक्शन बाहेर काढून नवीन इंजेक्शन मागवण्यात आले. त्यानंतर पुढील ट्रिटमेंट सुरू करण्यात आली आहे. तसेच बालकाची प्रकृती स्थिर असल्याची माहिती रुग्णालयात प्रशासनाने दिली आहे. या प्रकारामुळे रुग्णालयात एकच गोंधळ उडाली आहे. तर नातेवाईकांनी डॉक्टर देखील दोन तास उपलब्ध नसल्याचा आरोप केला आहे.

रोहयोच्या संतप्त मजुरांनी पंचायत समितीतच प्राशन केले कीटकनाशक

रोजगार हमी योजनेअंतर्गत सर्व कामे मजुरांना काम दिली जातात. मात्र या योजनेंतर्गत एका विहिरीचे खोदकाम मजुरांना लावून केलं जात नव्हतं. यामुळे संतप्त झालेल्या दोन मजुरांनी पंचायत समितीच्या कार्यलयातच विषारी कीटकनाशक प्राशन केल्याचा धक्कादायक प्रकार घडला आहे. या प्रकारामुळे एकच खळबळ उडाली आहे. 

महाराष्ट्र ग्रामीण रोजगार हमी योजनेंतर्गत मंजूर विहिरीचे खोदकाम सुरू करण्यात आले होते. मात्र हे काम रोहयोच्या मजुरांमार्फत न करता जेसीबीच्या साह्याने केले जात होते. याबाबत विचारणा करून देखील हाताला काम मिळत नसल्याने संतप्त झालेल्या मानोली येथील दोघांनी पंचायत समिती कार्यालय मानवत येथे किटनाशक औषध प्राशन केल्याचा प्रयत्न केल्याची घटना समोर आली आहे. सदाशिव शिंदे व सुरेश मांडे असे या दोघा मजुरांचे नावे आहेत.