UPSC Exam :

सरकारी नोकरी मिळावी यासाठी अनेक विद्यार्थी यूपीएससी आणि एपपीएससीच्या परीक्षा देतात. कालच यूपीएससी पूर्व परीक्षेचा निकाल लागला. या निकालात हिंगोलीच्या एका तरुणाने पहिल्याच प्रयत्नाच यूपीएससी परीक्षेत घवघवीत यश मिळवलं आहे. त्याची गगनभरारी पाहून सर्वांनी त्याच्यावर कौतुकाचा वर्षाव केलाय.

हिंगोलीच्या कळमनुरी तालुक्यातील शिवणी या ग्रामीण भागातील अंकेत जाधवने हा पराक्रम केला आहे. अंकेतला केंद्रीय लोकसेवा आयोगाच्या परिक्षेत पहिल्याच प्रयत्नात घवघवीत यश मिळालंय. कुठल्याही शिकवणी वर्गाशिवाय तसेच रुग्णांची सेवा करत या पठ्ठ्याने यूपीएससी क्रॅक केलीय.

हिंगोली जिल्ह्याची कळमनुरी तालुक्यातील शिवणी या खेडेगावात अंकेतचा जन्म झाला. त्याचं प्राथमीक शिक्षण गावातील जिल्हा परिषद प्राथमिक शाळेत झालं.पुढे पाचवीपासून ते दहावीपर्यंतचं शिक्षण त्याने कळमनुरीच्या महात्मा फुले विद्यालयात पूर्ण केलं.

अंकेतच्या घरी आई, वडिल शेती व्यवसाय करतात. अंकेत त्यांचा एकुलता एक मुलगा आहे. आपला मुलगा अभ्यासात हुशार असल्याचं च्याच्या आई बाबांनी वेळीच ओळखलं होतं. त्यामुळे पोटाला चिमटा घेत त्यांनी मुलाला उच्चशिक्षिण दिलं.

12 वी पूर्ण केल्यानंतर त्याने पुणे येथे एम. बी. बी. एस.चं शिक्षण घेतलं. यावर त्याला कळमनुरी तालुक्यातील वाकोडी येथील प्राथमिक आरोग्य केंद्रात वैद्यकिय अधिकारी म्हणून नोकरी मिळाली. वैद्यकीय सेवा देत असताना त्याने यूपीएससी परीक्षेचा अभ्यास सुरू केला. यामध्ये त्याने घवघवीत यश मिळवले आहे. डॉक्टर अंकेत जाधवला यूपीएससीमध्ये ३९५ वा रँक मिळालाय.