सिंधुदुर्ग : सध्या राज्यात एसटी कर्मचाऱ्यांचा विविध मागण्यांसाठी संप सुरू आहे. त्यामुळे सार्वजनिक वाहतुकीचा फज्जा उडाला आहे. एसटी कर्मचाऱ्यांच्या या संपाला आणि 36 कर्मचाऱ्यांच्या आत्महत्येला परिवहन मंत्री अनिल परब आणि मुख्यमंत्री उद्धव ठाकरे जबाबदार असल्याचा आरोप भाजपचे आमदार नितेश राणे यांनी कणकवली येथे घेतलेल्या पत्रकार परिषदेत केला आहे.

हे देखील पहा-

यावेळी त्यांनी अनिल परब यांच्यावर जोरदार प्रहार केला आहे. त्या 36 कर्मचाऱ्यांची आत्महत्या नसून, ठरवून केलेली हत्या असल्याचा गंभीर आरोप त्यांनी यावेळी केला आहे. अनिल परब यांना त्यांचे प्रश्न काय आहेत. हे माहीत होतं पण मातोश्रीवर चाटण्यातूनच त्यांना वेळ मिळत नाही.

वसुली वरून त्यांना वेळ मिळत नाही. 100 कोटींची वसुली करू शकतात, पण या कर्मचाऱ्यांचे पगार ते देऊ शकत नाहीत. म्हणूनच भारतीय जनता पक्ष या कर्मचाऱ्यांच्या पाठीशी असल्याचे नितेश राणे यांनी सांगितले आहे.

Edited By- Digambar Jadhav