अमर घटारे 
अमरावती : श्री रामजन्मभूमी अयोध्या येथे प्रभू श्री राम यांच्या मूर्तीची प्राणप्रतिष्ठा व श्रीराम मंदिराचे उद्घाटन होणार आहे. त्या पाश्र्वभूमीवर (Amravati) अमरावतीच्या हनुमान गढीवर खासदार नवनीत राणा (Navneet Rana) व आमदार रवी राणा यांच्यावतीने ११ लाख लाडूचा एक लाडू तयार करून वर्ल्ड रेकॉर्ड होणार आहे. तर या लाडूचा प्रसाद देण्यात येणार आहे. (Latest Marathi News)

प्रभू श्रीरामांची प्राणप्रतिष्ठा अयोध्या येथे होत आहे. या पार्श्वभूमीवर सर्वत्र विविध उपक्रम राबविले जात आहेत. यानुसार खासदार नवनीत राणा व आमदार रवी राणा (Ravi Rana) हे अनोखा उपक्रम राबवित आहेत. येथे ११ लाख लाडूंचा एकच लाडू तयार केला जाणार आहे. यावेळी कार सेवकांचा सत्कार देखील करण्यात येणार आहे. या कार्यक्रमाला उपमुख्यमंत्री देवेंद्र फडणवीस उपस्थित राहणार आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

हजारो दिवे लावणार 

तसेच या ठिकाणी (Hanuman Chalisa) हनुमान चालीसा पठण करून हजारो दिवे लावून या ठिकाणी दिवाळी उत्सव साजरा करण्यात येणार आहे. या कार्यक्रमाची तयारी अंतिम टप्प्यात आली असून गेल्या ६ दिवसापासून ११ लाख लाडूचा एक लाडू तयार करण्याच काम सुरू आहे. याचा आढावा आमदार रवी राणा यांनी घेतला; तर उद्या सकाळी १० वाजता अमरावतीच्या या कार्यक्रमात सहभागी होण्याच आवाहन रवी राणा यांनी केलं.