अमर घटारे 
अमरावती : अकोटवरून नागपूरला जाणारी बस चालकाने खोलापुर फाट्याजवळ थांबवली नाही. याचा राग आल्याने (St Bus) बसचा पाठलाग करून चालकावर लोखंडी पाईपने हल्ला केला. (Amravati) यात बस चालक गंभीर जखमी झालेला आहे. (Latest Marathi News)

राज्य परिवहन महामंडळाच्या अकोट आगाराची बस आकोटवरून नागपूरकडे मार्गस्थ झाली होती. या (MSRTC) बसवर अमोल गावंडे हे चालक होते. बस घेऊन जात असताना खोलापुर फाट्याच्या इस्तेमा सुरू होता. त्या ठिकाणी १० ते १५ लोकांनी बस थांबवण्यास सागितले. मात्र त्या ठिकाणी बस थांबा नसल्यामुळे चालकाने बस न थांबवता पुढे नेली. मात्र दोन ते तीन अज्ञात इसमानी बसचा पाठलाग करून बस अडविली.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

वाद घालत केला हल्ला 

चालकासोबत बस का थांबवली नाही म्हणून बाचाबाची सुरू केली. या दरम्यान त्यातीलच एकाने मागून येऊन बस चालकावर पाईपाने अचानक वार केला. यात चालकाच्या चेहऱ्याला गंभीर जखम झाली आहे. यावेळी घटनास्थळी खोलापूर पोलीस स्टेशनचे ठाणेदार वर्गे हे वेळेवर हजर झाल्यामुळे पुढील अनर्थ टळला. सदर बस पोलिसांनी ठाण्यात नेल्यानंतर चालकाच्या फिर्यादनुसार अज्ञातांवर गुन्हा दाखल करण्यात आला. आरोपींचा शोध घेणे सुरू असल्याचे पोलीस प्रशासनाने सांगितले आहे.