अमर घटारे 
अमरावती : पती- पत्नीमध्ये वारंवार वाद होत होते. या वादातून पतीने रागाच्या भरात पत्नीवर जीवघेणा (Crime News) हल्ला केला. यात पत्नी गंभीर जखमी झाली आहे. सदरची घटना (Amravati) जिल्ह्यातील दर्यापूर शहरातील टाटानगर परिसरात घडली आहे. (Latest Marathi News)

अमरावती जिल्ह्यातील दर्यापूर शहरातील टाटानगर परिसरात पती- पत्नी वास्तव्यास होते. या दोघांमध्ये कोणत्या ना कोणत्या कारणावरून वाद होत होते. आज देखील दोघांमध्ये वाद झाला. या वादात रंगाच्या भरात पतीने पत्नीवर हल्ला केला. यात पत्नी गंभीर जखमी आहे. तिला तातडीने अमरावती जिल्हा रुग्णालयात हलविण्यात आले असून प्रकृती चिंताजनक असल्याचे डॉक्टरांनी सांगितले आहे.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पती पोलिसात दाखल 

घरगुती वादातून पतीने पत्नीवरच जीवघेणा हल्ला केल्यानंतर आरोपी सय्यद जावेद स्वतः पोलिसात सरेंडर झाला. या घटनेने परिसरातील नागरिकांनी रुग्णालयात गर्दी केली आहे. यानंतर पोलिसांनी सय्यदला ताब्यात घेतले आहे. या संदर्भात पोलिसांची पुढील चौकशी सुरू आहे.