अमर घटारे, प्रतिनिधी...

Amravati News: अमरावती जिल्‍ह्यात पावसाचा जोर वाढला असून चांदूर बाजार आणि नांदगाव खंडेश्‍वर तालुक्‍यात अतिवृष्‍टीची नोंद झाली आहे. या पावसामुळे अनेक नाल्‍यांना पूर आला आहे. काही भागांत तर शेतजमीनदेखील खरडून गेली आहे.

एकीकडे पावसाच्या आगमनाने बळीराजा सुखावला असतानाच दर्यापूर तालुक्यात वीज पडून शेतकऱ्याचा मृत्यू झाल्याची घटना समोर आली आहे. या दुर्देवी घटनेने परिसरात हळहळ व्यक्त केली जात आहे. (Amravati Rain Update News)

याबाबत अधिक माहिती अशी की, अमरावती (Amravati) जिल्ह्यातील दर्यापूर तालुक्यातील लासूर फाट्यावर वीज पडल्याने एकाचा जागीच मृत्यू झाला. शेतात पेरणी सुरू असताना अचानक मुसळधार पाऊस झाला. यात शेतात काम करणाऱ्या मजुरांची तारांबळ उडाली. यावेळी वीज पडल्याने एकाचा मृत्यू झाला असून दोघे गंभीर जखमी झाले आहेत.

माहूराज खडे असे मृत शेतकऱ्याचे नाव नाव आहे. तर चंद्रशेखर अभ्यंकर आणि बाळू रामगड हे दोघे गंभीर जखमी झालेत. दुर्घटनेतील जखमींना तातडीने प्राथमिक उपचारासाठी दर्यापूर उपजिल्हा रुग्णालयात हलवण्यात आले आहे. यावेळी स्थानिक आमदार बळवंत वानखडे यांनी जाऊन जखमींची भेट घेतली.

चौथ्या मजल्यावरून पडून कामगाराचा मृत्यू

दरम्यान, बोरीवलीमधूनही (Borivli) एक दुर्देवी घटना समोर आली आहे. बांधकाम सुरू असताना सातव्या मजल्यावरून पडून कामगाराचा मृत्यू झाल्याची घटना बोरिवली पश्चिमेकडील शिंपोली रोड परिसरात नुकतीच घडली.

बाळासाहेब प्रभू (55 वर्ष) हे चौथ्या माळ्यावरून पडून गंभीर जखमी झाले. दुर्घटनेची माहिती मिळताच बोरिवली पोलिसांनी जखमी कामगाराला शताब्दी रुग्णालयात उपचारासाठी दाखल केले मात्र डॉक्टरांनी त्यास मृत घोषित केले. (Latest Marathi News)