अकोला : अकोल्यातील (akola) अकोट (akot) शहरातील एका धान्य व्यापाऱ्याला जिवे मारण्याची धमकी देऊन पाच लाखाची खंडणी मागणा-या एका संशयित आरोपीस अकोट पोलिसांनी (police) दाेन तासात शिताफीने अटक (arrest) केली. (akola latest marathi news)

ही कारवाई अकोट उपविभागीय पोलिस अधिकारी रितू खोखर (ritu khokhar) यांच्या मार्गदर्शनाखाली झाली. अकोट शहर पोलीस स्टेशनचे ठाणेदार प्रकाश अहिरे व अकोट ग्रामीण पोलीस स्टेशनचे ठाणेदार नितीन देशमुख व सहकारी पोलीस कर्मचा-यांनी या कारवाईत माेलाचा वाटा उचलला.

सुत्रांनी दिलेल्या माहितीनुसार शहरातील एका धान्य व्यापा-यास पाच लाख रुपयाची खंडणी मागण्यात आली हाेती. ही रक्कम न दिल्यास जीवे मारण्याची धमकी देखील देण्यात आली होती. याबाबतची तक्रार प्राप्त होताच उपविभागीय पोलिस अधिकारी रितू खोखर यांच्या मार्गदर्शनाखाली पोलिसांनी तपासाची चक्रे फिरवली. अवघ्या दोन तासाच्या आत खंडणीखोराला एमआयडीसी परिसरातून अटक करण्यात आली.

Edited By : Siddharth Latkar