अक्षय गवळी 

अकोला : अकोल्यात जिल्हा प्राथमिक शाळेचा भोंगळ आणि एक अजबजगब प्रकार समोर आला. अकोल्यातल्या दिग्रस बु. गावतल्या जिल्हा परिषद शाळा खुल्या मैदानात झाडाखाली भरत आहे. शाळेच्या वर्गखोल्या नसल्याने हि अवस्था निर्माण झाली आहे. मात्र झाडाखाली भारत असलेल्या या वर्गात देखील विद्यार्थ्यांना एका अजब समस्येला तोंड द्यावे लागत आहे. यामुळे पालक संतप्त झाले आहेत. 

अकोला (Akola) जिल्ह्यातील दिग्रस बु. या गावात जिल्हा परिषदेची शाळा आहे. मात्र या शाळेत वर्ग खोल्याच नसल्याचे खराब चित्र पाहण्यास मिळत आहे. यामुळे झाडाखाली वर्ग भरविले जात असल्याने समोर आले आहे. पण इथं विद्यार्थ्यांसोबत वेगळं काही घडतं आहे. झाडाखाली भरत असलेल्या शालेय विद्यार्थ्यांच्या बेंचवर झाडावरील विषारी अळ्या पड़त आहे. याचा या विद्यार्थ्यांना त्रास होत आहे. जिल्हा परिषदच्या शाळेमध्ये अपेक्षित वर्ग खोल्या नसल्याने येथील शिक्षक काही वर्ग खुल्या मैदानात भरवत आहे. झाडाखाली सुरू असलेल्या शालेय विद्यार्थ्यांचे बेंचवर झाडावरील विषारी अळ्या पडत असल्याने विद्यार्थ्यांच्या जीविताला धोका असल्याचे पालकांचे म्हणणं आहे.  

तर शाळेला कुलूप लावण्याचा इशारा 

शाळेच्या परिसरात असलेल्या झाडावर मोठ्या प्रमाणांत विषारी अळ्यांचा प्रादुर्भाव दिसून येतोय. त्यामुळे पालकांनी मुलांना शाळेतून बाहेर काढण्याचा निर्णय घेण्याच्या तयारीत आहे. दरम्यान या विद्यार्थ्यांच्या शिक्षणासाठी वर्गखोल्या बांधण्यात याव्यात; अन्यथा रास्ता रोको आंदोलन व शाळेला कुलुप ठोकू, असा इशारा विद्यार्थ्यांच्या पालकांनी दिला आहे.