अमर घटारे, अमरावती

Amaravati Road Accident :

अमरावतीतून अपघाताची दुर्देवी घटना समोर आली आहे. महाशिवरात्रीसाठी मध्य प्रदेशातील पचमढी येथील मंदिरात जाणाऱ्या भाविकांचा अपघात झाल्याची घटना घडली आहे. या अपघातात एकाचा मृत्यू झाला आहे. तर अपघातामधील जखमींना उपचारासाठी रुग्णालयात दाखल करण्यात आलं आहे. या अपघातामुळे घटनास्थळी एकच खळबळ उडाली. (Latest Marathi News)

मिळालेल्या माहितीनुसार, अमरावतीच्या शिरखेड येथे अपघाताची घटना घडली आहे. महाशिवरात्रीसाठी मध्य प्रदेशातील पचमढी येथे जाणाऱ्या भाविकांची कार उलटल्याने अपघात झाला आहे. या अपघातात एकाचा जागीच मृत्यू झाला आहे, तर ९ जण गंभीर जखमी झाले आहेत. या अपघातातील जखमींना उपचारासाठी रुग्णालयात दाखल करण्यात आलं आहे. सर्व भाविक हे अकोल्याच्या माधापुरी तालुक्यातील असल्याची माहिती मिळत आहे.  (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कारचा टायर फुटल्याने भाविकांचा अपघात झाल्याची प्राथमिक माहिती पोलिसांनी दिली आहे. या अपघातील सर्व जखमींना अमरावती जिल्हा सामान्य रुग्णालयात उपचारासाठी करण्यात आलं आहे.

विरारमध्ये दुचाकीस्वाराचा अपघातात मृत्यू

विरारमध्ये अपघाताची दुर्दैवी घटना घडली आहे. विरारमध्ये रस्ते अपघातात एका तरुणाचा मृत्यूचा झाला आहे. विरारमध्ये दुचाकीस्वाराला टँकरने पाठीमागून धडक दिल्याने तरुणाचा मृत्यू झाला. ३५ वर्षीय तरुणाचा चाकाखाली सापडल्याने मृत्यू झाला आहे. टँकर चालकाविरोधात गुन्हा दाखल करण्यात आला आहे. या अपघात प्रकरणी टँकर चालकाला पोलिसांनी अटक केली आहे.