अक्षय गवळी 
अकोला : गांजाची अवैधपणे तस्करी करण्यात येत असल्याने पुन्हा एकदा समोर आले आहे. यात थेट रेल्वेतून हि वाहतूक केली जात असताना अकोल्यात कारवाई करण्यात आली आहे. पुरी- अहमदाबाद एक्सप्रेसमधून गांजाची तस्करी करण्यात येत होती. अकोल्यात पुरी अहमदाबाद एक्सप्रेसमधून एकाला गांजाची तस्करी करताना पकडण्यात आले आहे. 

अकोला रेल्वे आरपीएफने विभागाने ही कारवाई केली आहे. या कारवाईत पोलिसांनी रेल्वे तपासणी केली असता एका बॅगमध्ये तीन पार्सल होते. त्यामध्ये गांजाची तस्करी केली जात होती. श्वान पथकाच्या माध्यमातून गांजा तस्करीचा प्रकार उघडकीस आला आहे. या कारवाईत जवळपास ६ किलो ३७० ग्रॅम गांजा पोलिसांनी जप्त केला आहे. अकोला रेल्वे स्टेशनवर आरपीएफ पथकाने एकाला मुद्देमालासह ताब्यात घेतले आहे. 

गुजरात विक्रीसाठी तस्करी 

दरम्यान ओडिसातून गांजा गुजरात मध्ये विक्रीसाठी नेला जात असल्याचे उघडकीस आले आहे. एका बॅगमध्ये पार्सल करून या गांजाची तस्करी केल्या जात होती. मात्र आरपीएफच्या शानपथकाद्वारे रेल्वेत मोहीम सुरू असताना, ही संशय बॅग दिसून आली होती. या प्रकरणात अज्ञात व्यक्तीविरुद्ध गुन्हा दाखल करण्यात आला असून पुढील तपास सुरू आहे.

घरफोडी करणारा अट्टल चोरटा गजाआड!
अकोल्यात घरफोडी करणाऱ्या अट्टल चोरट्याला अटक करण्यात आली. गिरीश शोगोकार असं या चोरट्याच नाव आहे. त्याने अकोल्यातल्या सुधीर कॉलनी येथे घरफोडी करून सोन्यासह चांदीच्या दागिन्यावर डल्ला मारला होता. अखेर तपास दरम्यान पोलिसांना घरपोडी करणाऱ्या चोरट्याला अटक करण्यात यश आले. त्याच्याकडून चोरी गेलेला ४ लाखांवर मुद्देमाल जप्त करण्यात आला आहे. अकोल्याच्या सिव्हिल लाईन पोलिसांनी ही कारवाई केली आहे.