अकोला : शेजारी म्हटलं की संकटकाळी मदतीला धावणारा. अनेकदा बाहेर जायचे असल्‍याने शेजाऱ्याच्‍या भरोवशावर जात असतो. परंतु, मुलीचे लग्‍न (Marriage) असल्‍याने परिवार बाहेर गेला असताना शेजाऱ्यानेच घरात चोरी केल्याचा प्रकार समोर आला आहे. (Akola) अकोल्यातील बाळापूर पोलिस स्टेशनच्या हद्दीत ही घटना घडली आहे. (Tajya Batmya)

बाळापूर शहरातील जैन मंदिरात फिर्यादी संजय श्रीधर देशमुख यांच्या मुलीचे लग्न होते. त्यामुळे राहत्या घराला कुलूप लावून कुटुंबीय गेले होते. दरम्यान, कुटुंबीय परत आले चोरट्यांनी घराच्या भिंतीवरून आत प्रवेश करून एकूण 69 हजार 250 रुपयांचा ऐवज (Crime) लंपास केला होता. बाळापूर पोलिसांनी (Police) याप्रकरणी गुन्हा दाखल केला होता.

मुद्देमालासह आरोपी अटकेत

मुलीच्या लग्न समारंभात व्यस्त असताना कुटुंबाच्या घरात घुसून चोरट्यांनी नगदी व सोन्या- चांदीचे दागिने लंपास केल्याचा प्रकार समोर आला. पोलिस तपासानंतर शेजारी राहणारे रामा लक्ष्मण सोनकर, श्रीकांत शिवराम किल्लेकर यांना बाळापूर पोलिसांनी शिताफीने अटक करून मुद्देमाल जप्त केला. आरोपींना न्यायालयात हजर केले असता बाळापूर न्यायालयाने दोन्ही आरोपींना दोन दिवसांची पोलिस कोठडी सुनावली.