अक्षय गवळी, साम टीव्ही प्रतिनिधी

रोज सोशल मीडियावर अनेक व्हिडिओ व्हायरल होत असतात. अनेक ठिकाणी शाब्दिक बाचाबाची होताना दिसते. त्याचसोबत हाणामारीचेही अनेक व्हिडिओ व्हायरल होत असतात. परंतु जर पोलिस अधिकारीच जर भांडण करत असेल तर... सोशल मीडियावर असाच एक व्हिडिओ व्हायरल होत आहे. पोलिस अधिकारी दारुच्या नशेत एका वैद्यकीय अधिकाऱ्याशी भांडताना दिसत आहे. याचा व्हिडिओ चांगलाच व्हायरल झाला आहे.

PSI अर्थातच पोलिस अधिकारी आणि एका शासकीय वैद्यकीय अधिकाऱ्याचा शाब्दिक वादाचा व्हिडिओ सध्या सोशल मीडियावर चांगलाच वायरल होतोय..या व्हिडिओमध्ये पीएसआय अर्थातच पोलीस अधिकारी दारूच्या नशेत शासकीय वैद्यकीय अधिकाऱ्याला शिवीगाळ करत निलंबनाच्या कारवाईची धमकी देत आहे, असा आरोप करीत या वैद्यकीय अधिकाऱ्याने वरिष्ठ अधिकाऱ्यांकडून तक्रार केलीय.. तू आरोग्य देण्यात हजर का राहत नाही? या कारणांवरून या दोघांमध्ये हा शाब्दिक झाल्याचे बोलल्या जातऐ..

दरम्यान, अकोल्यातील दहीहंडा आरोग्य प्राथमिक केंद्राचे वैद्यकीय अधिकारी सागर कळसकर आणि दहीहंडा पोलीस स्टेशनचे PSI प्रभुदास गंडलिंगे यांचा वादाचा हा video सर्वत्र वायरल होत आहे.. गंडलिंगे या पीएसआयने शासकीय वैद्यकीय अधिकाऱ्याची वाद घालत 'तू आरोग्य केंद्रात हजर का राहत नाही?', असा सवाल विचारत थेट डॉक्टराला शिवगाळ घातलीय,इतकंच नाही तर पुढं निलंबनाच्या कारवाईची धमकी दिलीय. असा आरोप या डॉक्टराने तक्रारीतून केलाय.

या पोलीस अधिकाऱ्याने आपल्याला दारूच्या नशेत शिवीगाळ केल्याची तक्रार वैद्यकीय अधिकाऱ्याने अकोल्याच्या पोलीस अधीक्षकांकडे केलीय.. शिवीगाळ करणाऱ्या पीएसआयवर कठोर कारवाईची मागणी आता या डॉक्टराकडून होत आहे. नेमकं आता संपूर्ण प्रकार नंतर वरिष्ठ अधिकारी काय भूमिका घेतात हे पाहणं महत्त्वाचं असणार आहे.