अकोला: २० पेक्षा जास्त काळविटांची (Blackbuck) शिकार करणाऱ्या २ सराईत शिकाऱ्यांना आज अकोल्यातील (Akola) अकोट वनविभागाने अकोट येथील मौजा पाटी, मौजा जुऊळखेड शेत शिवारात अटक (Arrested) करण्यात आली आहे. वन्यप्राणी काळवीट शिकार करून वन्यप्राणीचे मास विकत असल्याच्या माहितीवरून ही कारवाई करण्यात आली आहे. या कारवाईत १ जण पसार होण्यास यशस्वी झाला आहे. अकोट वनवर्तुळा अंतर्गत मौजा जऊळखेड, मौजा पाटी, येथील मिळालेल्या गुप्त माहितीच्या आधारे वन्यप्राणी काळवीट मादी यांची शिकार करून मांस विकते वेळी रंगेहात दोघांना पकडले आहे.

हे देखील पहा-

या दोघांकडून ज्ञानेश्वर गजानन जामेवार (रा. जऊळखेड ता. अकोट), सुज्योत राधकीसन मुंडाले (रा. पाटी ता. अकोट) यांना ताब्यात घेऊन त्यांच्या जवळून २ मोटर सायकल, २ मोबाईल (Mobile) आणि वन्यप्राणी काळवीट मादी यांचे १५ किलो मांस आदी साहित्य जप्त करण्यात आले आहे. ही कारवाई के. आर. अर्जुना उपवनसंरक्षक अकोला वनविभाग अकोला वडोदे सहाय्यक वनसंरक्षक (वने) आर. एन. ओवे वनपरिक्षेत्र अधिकारी अकोला (प्रा) अकोला वनविभाग अकोला यांचे मार्गदर्शनाखाली अकोट वर्तुळ वनकर्मचारी आर. टी. जगताप. वनपरिमंडल अधिकारी अकोट वर्तुळ, यांचे अधिनस्त वनकर्मचारी सी. एम. तायडे वनरक्षक ए. पी. श्रीनाथ वनरक्षक सोपान जी. रेळे, मोहन वानखडे, सोमंत रजाने, दिपक मेसरे यांनी ही कारवाई केली आहे.

शिकाऱ्याकडे छऱ्याची बंदूक

अकोट (Akot) वनविभागाने (Forest Department) पकडलेल्या दोघांकडे ज्ञानेश्वर जामेवार, सुज्योत मुंडाले या दोघांकडे वन्यप्राण्यांची शिकार करण्यासाठी छऱ्याची बंदूक असल्याची माहिती आहे. त्यांनी या आधारे २० पेक्षा जास्त काळविटांची शिकार केली असल्याचे चौकशीत समोर आले आहे.

घरपोच विकत होते मांस

अकोट वनविभागाने पकडलेल्या दोघांकडून मिळालेल्या माहितीनुसार ते दोघे घरपोच वन्यप्राण्यांचे मांस विकत होते. २०० ते ३०० रुपये प्रतिकिलो मांस विकण्यात येत होते. तसेच विटभट्टी चालक या मांसाची जास्त मागणी करत होते, अशी माहिती मिळाली आहे. या प्रकरणाचा अधिक तपास पोलीस (Police) करत आहेत.