Akola Crime News : पतीच्या मावसभावासोबत पत्नीचे सूत जुळले. कालांतराने दोघांमध्ये जवळीक निर्माण झाली. दोघांचाही प्रेमात इतका आकंठ बुडाला की त्यांना नात्याचे कुठलेही भान राहिले नाही. अनैतिक संबंधास अडसर ठरणाऱ्या पतीचा दोघांनी मिळून काटा काढला. अकोल्यातील (Akola) खदान पोलिस स्टेशन परिसरातून ही धक्कादायक घटना उघडकीस आली. याप्रकरणी पोलिसांनी मृत व्यक्तीची पत्नी आणि आरोपी मावसभावाला ताब्यात घेतलं आहे. (Latest Marathi News)

अजय मांजरे आणि मृत व्यक्तीची पत्नी अशी अटक करण्यात आलेल्या आरोपींची नावे आहेत. प्राप्त माहितीनुसार, खडकी परिसरात राहणाऱ्या आकाश इंदोरे याचा 20 नोव्हेंबर रोजी मृत्यू झाला होता. या प्रकरणात खदान पोलिसानी आकस्मिक मृत्यूची नोंद केली होती.

या प्रकरणी पोलिस निरीक्षक श्रीरंग सणस यांनी तपास सुरू केल्यावर धक्कादायक हे धक्कादायक वास्तव (Crime News) समोर आले. ही आत्महत्या नसून हत्या असल्याचा समोर आले. आकाश इंदोरे याचा मावसभाऊ अजय मांजरे हा सातत्याने घरी यायचा. यामुळे अजय आणि आकाशची पत्नी यांच्यात नजरभेट झाली.

हळूहळू संवाद वाढला. जवळीकता निर्माण झाली आणि सूत जुळले. परंतु आता पती प्रेमात अडसर ठरू लागला. त्यामुळे पत्नीने प्रियकराच्या मदतीने पतीची गळा आवळून हत्या करून त्याने आत्महत्या केल्याचे भासविले. परंतु त्यांचे हे बिंग 25 दिवसांनी शवविच्छेदनातून स्पष्ट झाले. खदान पोलिसांनी उघडकीस आणून पत्नी आणि पतीचा मावसभाऊ अजय माजरे याला अटक केली आहे.

Edited By - Satish Daud