• अकोल्यातील पातूर-अकोला रस्त्यावर अपघात.

• गणेश विसर्जनावरून परतताना अपघात झाला.

• एका तरुणाचा जागीच मृत्यू, तिघे गंभीर जखमी.

गणेश विसर्जन करून परत येणाऱ्या गणेश भक्तांच्या वाहनाचा अपघात झालाय. अकोल्यातल्या पातूर-अकोला रस्त्यावरील घटना. अपघातात एका तरुणाचा जागीच मृत्यू झालाय. तर 3 जण गंभीर जखमी झालेत. मृत अन जखमी सर्वजण अकोल्यातील शिवसेना वसाहत भागातील रहिवासी आहेत.

जय बजरंग गणेश उत्सव मंडळाच्या गणरायाच कापशी तलावावरून गणेश विसर्जन करण्यात आलं. विसर्जन करून परतत असताना हा अपघात झाला. मृत पावलेला तरुण आणि जखमी झालेले चौघेजण एकाच दुचाकीवर प्रवास होते. त्यावेळी दुचाकीला कारने जबर धडक दिली. हा अपघात इतका भीषण होता की या अपघातात अक्षरशः दुचाकीचा चुराडा झालाय.

नंदुरबारमध्ये गणेश भक्तांच्या कारला अपघात

गणेश विसर्जनानंतर परत येणाऱ्या गणेश भक्तांच्या वाहनाला अपघात झालाय. प्रकाशाहून नंदुरबारच्या दिशेने येणाऱ्या चारचाकी वाहन आणि दुचाकीचा भीषण अपघात झालाय. अपघातात मोटरसायकलस्वाराचा पाय तुटल्याची माहिती मिळालीय. अपघातात चारचाकी वाहन शिरलं थेट शेतात जात पलटी झाले. चारचाकी वाहनातील दोन जण गंभीर जखमी असल्याची माहिती मिळालीय.