अक्षय गवळी, साम टीव्ही

अजित पवारांचा अपघाती मृत्यू होऊन १५ दिवस झाले आहेत. अजितदादांच्या मृत्यूनंतर आता अपघातावरून शंका उपस्थित करण्यात येत आहे. त्यांच्या विमान अपघातावरून नेत्यांकडून नवनवीन दावे केले जात आहेत. रोहित पवार यांनीही अपघातावरून शंका उपस्थित केली आहे. तर अजित पवारांच्या विमानात स्फोटके असल्याचा दावा खासदार बजरंग सोनवणे यांनी केला होता. खासदार बजरंग सोनवणे यांच्या दाव्याला आमदार अमोल मिटकरी यांनी दुजोरा दिला आहे. यामुळे राजकीय वर्तुळात खळबळ उडाली आहे.

दिवंगत उपमुख्यमंत्री अजित पवारांचा अपघात झालेल्या विमानाचा कोसळण्याआधीच स्फोट झाल्याचा दावा आज विमानतळा नजीकच्या गोजुबावीच्या काही नागरिकांनी केला होता. या नागरिकांचा हा दावा खासदार बजरंग सोनवणे यांच्या आरोपाला दुजोरा देणारा असल्याचे राष्ट्रवादीचे आमदार अमोल मिटकरी म्हटलं आहे. खासदार बजरंग सोनावणे यांनी अजित पवारांच्या विमानात स्फोटक होती का? अशी शंका उपस्थित केली होतीय.

या संपूर्ण विमान अपघाताची चौकशी उच्चस्तरीय बाह्य यंत्रणांकडून करण्याची मागणी आमदार अमोल मिटकरी यांनी केलीय. राज्य सरकारने जाहीर केलेल्या सीआयडी चौकशीला काही मर्यादा येत असल्याच ते म्हणालेत.

उपमुख्यमंत्री सुनेत्रा पवार लवकरच राष्ट्रवादीच्या सर्व आमदारांशी संवाद साधणार आहेत. यावर बोलताना आमदार अमोल मिटकरी यांनी सुनेत्रावहिनी या आईच्या भूमिकेतून प्रत्येक कार्यकर्त्याशी बोलत असल्याचे ते म्हणालेय. अजितदादांच्या जाण्याने पक्ष कार्यकर्ते पदाधिकारी, आमदार, खासदार सैरभैर झाल्याचे ते म्हणालेय. अशा परिस्थितीत कुटुंबप्रमुख म्हणून सुनेत्रा वहिनींचा संवाद हा प्रत्येक कार्यकर्त्याला बळ देणार असल्याचच ते म्हणालेय.