राष्ट्रवादी काँग्रेसचे नेते आणि महाराष्ट्राचे उपमुख्यमंत्री अजित पवार यांचे २८ जानेवारीला बारामतीत दुर्दैवी विमान अपघात झाला. या अपघाताने संपूर्ण राज्य हादरले. या अपघाताबाबत सर्वसामान्यांसह पवार कुटुंबाच्या मनातही अनेक शंका आल्या. आज आमदार रोहित पवार हे आज पत्रकार परिषद घेत पवार कुटुंबियांना असलेल्या शंका सर्वांसमोर मांडल्या. रोहित पवार यांनी यशवंतराव चव्हाण सेंटर येथे पत्रकार परिषद घेतली.

अजित पवार यांच्या अपघाताबाबत अनेकांच्या मनात शंका आहेत. दादांचा अपघात झाला की घात असा प्रश्न सर्व नागरिकांच्या मनात आहे. यामुळे रोहित पवार यांनी पत्रकार परिषद घेत दादांसोबत नेमकं काय घडलं याची दिली. अजित दादांचे विमान कसं पडलं? अपघात झाला कसा प्रश्न रोहित पवारांनी यावेळी व्यक्त केली.

अजित पवार यांचे ज्या कंपनीचे व्हीएसआर विमान होते, त्या कंपनीच्या एका विमानाचा दोन वर्षापूर्वी अपघात झाला होता. २०२३ मध्ये या कंपनीच्या विमानाचा अपघात झाला होता. मात्र त्याचा कोणताच अहवाल आलेला नाहीये.मात्र जेव्हा अजितदादांचा अपघात झाला त्यानंतर विमानन विभागाने अहवाल जाहीर केला. यावरून डीजीसीएवर व्हीएसआरचा दबाव असल्याचं दिसून येतं. २०२३ मध्ये झालेल्या अपघाताचा रिपोर्ट दाबण्यात आला होता.

युरोपियन एजन्सींनी या कंपनीचे परवाने रद्द केले होते. तरीही या कंपनीची विमाने भारतात उडविली जात आहेत. अजित दादांचा मृत्यू होऊनही या कंपनीवर अद्याप बंदी का घातली जात नाही?" असा सवालही रोहित पवार यांनी केला.