राज्यात पुन्हा राजकीय उलथापालथीची चर्चा रंगलीय.. आणि त्याला कारण ठरलंय... संजय राऊतांनी दिलेले सूचक संकेत.... अजित पवार हे लवकरच सत्तेतून बाहेर पडून महाविकास आघाडीसोबत येतील, असं वक्तव्यच संजय राऊतांनी केलं... आणि राज्यात एकच खळबळ उडालीय...तर राऊतांना अफवा पसरवण्याचं व्यसन आहे, असा टोला अजित पवारांच्या राष्ट्रवादीनं लगावलाय..

खरंतर नगरपालिका निवडणुकीपासूनच अजित पवार आणि शरद पवार एकत्र आल्याचं पाहायला मिळालं.. एवढंच नाही तर पुणे आणि पिंपरी चिंचवड महापालिकेत अजित पवारांनी भाजपवर घोटाळ्यांच्या आरोपांची ल़ड पेटवून दिली... त्यानंतरही दोन्ही राष्ट्रवादीने जिल्हा परिषद निवडणुकीत एकत्र आल्या आहेत..

त्यात विशेष म्हणजे पवारांच्या राष्ट्रवादीचे उमेदवार तुतारीऐवजी घड्याळ चिन्हावर निवडणूक लढवण्यास तयार झालेत..हे भाजपला खटकत असतानाही अजित पवार हे शरद पवारांसोबतच्या आघाडीबाबत ठाम आहेत.. त्यातून अजित पवार आणि भाजपमधील अंतर वाढण्याची शक्यता आहे... मात्र हे अंतर वाढत गेल्यास राज्यातील राजकारणात उलथापालथ होण्याची शक्यता आहे..