Manasvi Choudhary
लग्नानंतरचा प्रत्येक सण हा नवीन लग्न झालेल्या जोडप्यासाठी खास असतो त्यात पाडवा म्हणजे अधिकच खास.
आज १९ मार्च सर्वत्र गुढीपाडवा मोठ्या उत्साहात साजरा होत आहे. यंदाच्या गुढीपाडव्या नवीन लग्न झालेल्या जोडप्यांनी काय करावे हे या वेबस्टोरीतून जाणून घेऊया.
नवीन संसाराची गुढी उभी करताना त्यात प्रेमाचा आणि विश्वासाचा काठीसारखा आधार असणे गरजेचे असते.
परंपरेनुसार घरातील पुरुष गुढी उभारतात, पण लग्नानंतरच्या पहिल्या पाडव्याला पती-पत्नीने मिळून गुढीची काठी धरावी, वस्त्र बांधावे आणि कलश ठेवावा.
पहिल्या पाडव्याचे फोटो आयुष्यभर आठवणीत राहतात. त्यामुळे दोघांनीही मॅचिंग रंगाचे पारंपारिक कपडे परिधान करावेत. उदा. पत्नीने पिवळी नऊवारी नेसली असेल, तर पतीने पिवळ्या रंगाचा कुर्ता किंवा जॅकेट घालावे.
सणाचे जेवण बनवताना पत्नीवर किंवा सासूवर सगळी जबाबदारी न टाकता, पतीने लहान-लहान कामात मदत करावी.
हिंदू नववर्षाच्या पहिल्या दिवशी दोघांनी मिळून संसारासाठी ५ संकल्प करावेत. उदा. "आम्ही आठवड्यातून एकदा विना-मोबाईल वेळ घालवू" किंवा "एकत्र बचत करू". हे संकल्प नात्याला शिस्त आणि दिशा देतात.
पहिला पाडवा आहे म्हणून एकमेकांना छोटीशी भेट द्या यामुळे तुमच्या नात्यातील गोडवा अधिक वाढेल.