Mukhyamantri Majhi Ladki Bahin Yojana : फेब्रुवारी महिन्याचे १५०० रूपये कधी येणार? याकडे लाडक्या बहि‍णींच्या नजरा लागल्या आहेत. काही दिवसांपासून लाडक्या बहि‍णींच्या अर्जाची पडताळणी करण्यात येत आहे, त्यामुळे फेब्रुवारीचा हप्ता कधी येणार? याबाबत साशंकता होती. पण उपमुख्यमंत्री अजित पवार यांनी लाडक्या बहि‍णींना खुशखबर दिली आहे. फेब्रुवारी महिन्याच्या हप्ता कधी येणार याची तारीख अजित पवार यांनी सांगितले.

अजित पवार शनिवारी जालन्याच्या दौऱ्यावर होते, त्यावेळी बोलताना अजित पवार यांनी राज्यातील लाडक्या बहि‍णींना खुशखबर दिली. लाडक्या बहि‍णींचा हप्ता पुढच्या आठ दिवसांत खात्यात येईल, असे अजित पवार यांनी स्पष्ट केले आहे. दरम्यान, मिळालेल्या माहितीनुसार लाडक्या बहि‍णींना २५ फेब्रुवारीच्या आधी खात्यात १५०० रूपयांचा हप्ता जमा होण्यास सुरूवात होईल. पुढच्या महिन्यात राज्याचे अर्थसंकल्पीय अधिवेशन सुरू होणार आहे, त्याआधी सरकार राज्यातील लाडक्या बहि‍णींच्या खात्यत फेब्रुवारीचे १५०० रूपये जमा करेल, असी शक्यता वर्तवण्यात येत आहे.

२१०० रूपये कधीपासून?

विधानसभा निवडणुकीच्या प्रचारात महायुतीने लाडक्या बहि‍णींना २१०० रूपये देण्याचे अश्वासन दिले होते. आता अर्थसंकल्पीय अधिवेशनात याबाबतची घोषणा होणार आहे. आगामी आर्थिक वर्षांपासून लाडक्या बहि‍णींच्या खात्यात दरमाह २१०० रूपये मिळण्याची शक्यता आहे.

या महिलांना फेब्रुवारीचे १५०० मिळणार नाहीत -

गेल्या काही दिवसांपासून लाडक्या बहि‍णींची पडताळणी केली जात आहे. अपात्र महिलांचे अर्ज बाद केले जात आहे. आतापर्यंत राज्यात सहा लाख महिल्यांचे अर्ज बाद करण्यात आल्याचे समजतेय. त्या सर्व महिलांच्या खात्यात फेब्रुवारीचा हप्ता येणार नाही. अपात्र ठरणाऱ्या महिलांना यापुढे लाडकी बहीण योजनेचा लाभ मिळणार नाही. चारचाकी घरात असणाऱ्या सर्व महिलांचे लाडकी बहीण योजनेचे अर्ज बाद करण्यात आले आहेत.