विधानसभा निवडणुकीच्यावेळी महायुतीने आपल्या जाहिरनाम्यामध्ये शेतकऱ्यांची सरसकट कर्जमाफी करू असे आश्वासन दिले होते. मात्र सरकार आल्यानंतर या आश्वासनाला केराची टोपली दिल्याचे चित्र निर्माण झाल्याचे पाहायला मिळाले. कर्जमाफीच्या मुद्यावरून विरोधकांनी सरकारला अनेकदा कोंडीत देखील पकडले होते. आता यानंतर सरकार हळूहळू सकारात्मक होताना दिसत आहे. माजी मंत्री बच्चू कडू यांनी शेतकरी कर्जमाफीच्या प्रश्नावर मोठे आंदोलन केले होते. विरोधकांनीही बच्चू कडू यांच्या आंदोलनाला पाठिंबा दिल्यानंतर सरकारनेही दखल घ्यायला सुरुवात केली आहे. आज पत्रकारांनी मंत्री चंद्रशेखर बावणकुळे आणि अजित पवार यांना शेतकरी कर्जमाफीबद्दल विचारले असता या दोघांनीही कर्जमाफी करणार असल्याचे संकेत दिले आहे.