Student Drowned In Water Ahmednagar

सुट्टी असली की आपण बाहेर जायचं, फिरायला जायचं नियोजन करतो. पण अनेकदा जिथे फिरण्यासाठी जातोय, त्या ठिकाणाची सुरक्षिततेच्या दृष्टीने चौकशी करत नाही. नीट माहिती घेत नाही, मग अनेकदा ही गोष्ट आपल्या जीवावर बेतते. अशीच एक घटना पवना धरण परिसरात घडली आहे.  (Latest Marathi News)

26 जानेवारीच्या सुट्टीमुळे अनेकांनी बाहेर फिरण्यासाठी जाण्याचं नियोजन केलं होतं, असंच नियोजन अहमदनगरमधील मेडिकल कॉलेजच्या विद्यार्थ्यांनी देखील केलं होतं. सुमारे 15 विद्यार्थी फिरण्यासाठी सुट्टीचा आनंद घेण्यासाठी पवना धरण (Pavna Dam) परिसरात आले होते. पण, हेच त्यांच्या जीवावर बेतलंय. याबाबत सविस्तर जाणून घेऊ या. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पवना धरणात बुडून मृत्यू

मावळच्या पवना धरण परिसरातील ठाकुरसाई गावाच्या हद्दीमध्ये टेंट परिसरात पर्यटनासाठी आलेल्या अहमदनगर जिल्ह्यातील लोणी प्रवारा कॉलेजमधील मेडिकलच्या विद्यार्थ्याचा (Pravara Medical College Student) पवना धरणात बुडून मृत्यू झालाय. मनिष शंकर शर्मा असं त्या बुडून मृत्यू झालेल्या विद्यार्थ्याचं नाव आहे.

26 जानेवारीची घटना

26 जानेवारीला पंधरा वर्गमित्र (Ahmednagar News) पर्यटनासाठी मावळ तालुक्यातील पवनाधरणाच्या परिसरात आले होते. पंरतु त्यामधील चार विद्यार्थी पवनाधरणाच्या पाण्यात भिजण्याचा आंनद घेण्यासाठी पाण्यात गेले. परंतु त्यांना पाण्यातील खोलीचा अंदाज आला नाही.

पाण्याच्या खोलीचा अंदाज नाही आला

पाण्यात उतरल्यानंतर त्यांच्यातील दोनजण पाण्यात बुडू (Student Drowned In Water) लागले. तेव्हा त्यांच्या सोबत असलेल्या इतर मित्रांनी आरडाओरडा केला. त्यामुळं स्थानिकांनी त्यांना वाचविण्याचा प्रयत्न केला. यामध्ये आदित्य सचिन बुंदले याला वाचविण्यात यश आलं. मात्र, मनिष शंकर शर्मा याचा बुडून दुर्दैवी मृत्यू झाला. सायंकाळी सहाच्या सुमारास ही घटना घडली. तेव्हा लोणावळा ग्रामीण पोलीस तिथे पोहोचले. आता पोलीस अधिक तपास करीत आहे.

पाण्याच्या ठिकाणी फिरायला जाताना सावधगिरी बाळगणं आवश्यक आहे. अन्यथा दुर्घटनेस सामोरं जावं लागू शकतं.