सचिन बनसोडे 

नेवासा (अहमदनगर) : जायकवाडी जलाशयातील नियोजित तरंगते सौर ऊर्जा प्रकल्प रद्द करण्यात यावे या मागणीसाठी कहार भोई आणि भिल्ल समाजाचे शेकडो मच्छीमार (Ahmednagar) अहमदनगर जिल्ह्यातील नेवासा तहसील कार्यालयासमोर आमरण उपोषणास बसले आहेत. हा प्रकल्प रद्द न झाल्यास जलसमाधी घेण्याचा इशारा मच्छीमारांनी दिला आहे. (Maharashtra News)

केंद्र सरकारच्या अधिन असलेल्या नॅशनल थर्मल कॉर्पोरेशन लिमिटेडला मराठवाड्यातील जायकवाडी धरण (Jayakwadi Dam) जलाशयात तरंगते सौर ऊर्जा प्रकल्पाच्या कामाचे प्रस्ताव देण्यात आले आहेत. हा सौर ऊर्जा प्रकल्प झाल्यास २३ हजाराहून अधिक मच्छीमारांच्या रोजगाराचा प्रश्न निर्माण होणार (Nevasa) असल्याची भिती या जलाशयावर अवलंबून असलेल्या मच्छीमारांना आहे. तसेच या प्रकल्पामुळे जायकवाडी जलाशयामध्ये असलेले सर्व माशे ऑक्सिजन विना मरण पावतील अशी देखील भीति असल्याने सरकारने तरंगत्या सौर ऊर्जा प्रकल्पाचा घेतलेला निर्णय तातडीने रद्द करावा अशी मागणी केली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जलसमाधीचा इशारा 

जायकवाडीतील सदरचा प्रकल्प रद्द न झाल्यास सर्व मच्छीमार जलसमाधी घेतल्याशिवाय राहणार नाही; अशी भूमिका भिल्ल भोई आणि कहार समाजाच्या मच्छीमारांनी घेतली आहे. शेकडो मच्छीमार आजपासून नेवासा तहसील कार्यालयासमोर आमरण उपोषणास बसले आहेत.