सुशिल थोरात

अहमदनगर : राज्‍यात H3N2 इन्‍फुलन्‍सचा प्रसार वाढत आहे. यात आज अहमदनगरमध्‍ये 23 वर्षीय विद्यार्थ्याचा या नव्‍या व्‍हायरसमुळे मृत्यु झाला आहे. यामुळे (Ahmednagar) जिल्हा प्रशासन आता सतर्क झाले असून आयसोलेशन वार्ड व आयसीयू सेंटरची उभारणी करण्यात आली आहे. (Breaking Marathi News)

राज्‍यात H3N2 व्‍हायसर हळूहळू स्‍प्रेड होवू लागला आहे. अनेक जिल्‍ह्यांमध्‍ये H3N2 चे रूग्‍ण आढळून येत आहेत. तर राज्‍यात काही मृत्‍यूची नोंद देखील झाली आहे. दरम्‍यान अहमदनगरमध्ये (MBBS) एमबीबीएसचे शिक्षण घेणाऱ्या २३ वर्षीय युवकाचा H3N2 व्‍हायरसमुळे मृत्यू झाल्याची नोंद आज झाली आहे. यानंतर अहमदनगर जिल्हा प्रशासन सतर्क झाले आहे. अहमदनगर जिल्हा सामान्य रुग्णालयात प्रशासनाच्यावतीने ४० बेडचे वीलगीकरणं कक्ष व १५ बेडचे आयसीयु सेंटर उभारण्यात आली असल्याची माहिती जिल्हा शल्यचिकित्सक डॉ. संजय घोगरे यांनी दिली आहे.

संपर्कात आलेल्‍यांचा शोध

H3N2 मुळे २३ वर्षीय युवकाचा मृत्यू झाल्यामुळे त्याच्या संपर्कात आलेल्यांचा शोध घेण्याचे काम प्रशासनाकडून सुरू आहे. दरम्यान H3N2 या नव्‍या व्‍हायरसने अहमदनगर जिल्ह्यात शिरकाव केल्याने जिल्हा रुग्णालयात विलगीकरणं कक्ष व आयसीयू सेंटर उभारण्यात आले असून प्रशासन तयारीला लागले आहे.