अहमदनगर जिल्ह्यातून एक धक्कादायक घटना समोर आली आहे. चोरीच्या संशयावरुन ४ तरुणांना अमानुष मारहाण करण्यात आली आहे. सध्या या चौघांना रुग्णालयात दाखल करण्यात आले असून त्यांच्यावर उपचार सुरू आहेत. (Latest Marathi News)
घटनेबाबत मिळालेल्या अधिक माहितीनुसार, श्रीरामपूर तालुक्यातील हरेगाव येथे ही धक्कादायक घटना घडली आहे. शेळी चोरीच्या संशयावरून या तरुणांना अमानुष मारहाण करण्यात आलीये. अतिशय निर्दयीपणे या तरुणांना झाडाला उलटे लटकवण्यात आले होते.
नराधम एवढ्यावरच थांबले नाहीत. त्यांनी काल दिवसभर या चारही तरुणांना झाडाला उलटे लटकवत ठेवले. त्यानंतर त्यांना बेदम मारहाण केली. तसेच त्यांच्या चेहऱ्यावर लघुशंका केली. तरुणांसोबत अमानवीय कृत्य झाल्याने श्रीरामपूर तालुक्यात संतापाची लाट उसळली आहे.
मारहाणीत शुभम, कुणाल, ओम आणी अन्य एक तरूण जखमी आहे. तरुणांना श्रीरामपूर येथील कामगार हॉस्पीटलमध्ये दाखल केलं आहे. आरोपींना त्वरीत अटक करा अशी मागणी तरुणांच्या कुटुंबीयांनी केली आहे. पोलीस या प्रकरणी अधिक तपास करतायत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.