प्रसाद नायगावकर

यवतमाळ  : राज्यामध्ये पेट्रोल आणि डिझेलच्या किंमतीत सातत्याने दरवाढ सुरूच आहे. सध्या यवतमाळ येथे पेट्रोलचा दर हा 104.88 रुपये आहे तर, डिझेलचा दर हा 95.48 रुपये इतका आहे .पेट्रोल दरवाढीसोबतच डिझेलमध्येही सातत्याने वाढ होत आहे. कुठेतरी पेट्रोल नंतर डिझेल देखील शंभरी गाठतंय का असा प्रश्न सर्वसामान्यांना पडला आहे. After petrol, diesel goes to hundreds ?

हे देखील पहा -

आज पेट्रोलचे आणि डिझेलचे दर हे 27 पैशांनी महागले आहेत. पेट्रोल डिझेलच्या दरात रोज सकाळी 6 वाजता बदल होत असतो आणि सकाळी 6 वाजताच नवे दर लागू होत असतात. परकीय चलन दरासह आंतरराष्ट्रीय बाजारात कच्या तेलाच्या किंमती काय आहेत. यानुसार रोज पेट्रोल आणि डिझेलच्या किमतीत बदल होतो.

रोज वाढणाऱ्या पेट्रोल आणि डिझेलच्या किंमतीमुळे मात्र सर्वसामान्यांचे मात्र कंबरडे मोडले आहे. सध्या शेतीचे कामे चालू आहेत. मजुरी परवडणारी नसल्याने शेतकरी सर्व कामे यांत्रिकी पद्धतीने करतात. जेंव्हा वीज नसते तेंव्हा उन्हाळी पिकांना डिझेल पंपाच्या साहाय्याने पाणी उपसून शेतीस दिले जाते.

अशातच डिझेल आणि पेट्रोलचे भाव सातत्याने वाढत असल्याने सामान्य नागरिकांसह शेतकरी देखील हवालदिल झाले आहेत. कोरोना काळात अनेकांचे रोजगार गेले आहेत. अशा स्थितीत केंद्र शासनाने पेट्रोल, डिझेलची ज्या पद्धतीने दरवाढ केली आहे ही क्रूर थट्टाच म्हणावी लागेल.

Edited By : Krushnarav Sathe