>> चेतन व्यास

वर्धा : वर्ध्यात (Wardha) महिलेवर एकतर्फी प्रेमातून अॅसिड (Acid Attack) झाल्याची धक्कादायक बातमी समोर आली आहे. महावीर उद्यान परिसरात ही घटना घडली आहे. महावीर उद्यानात काम करणाऱ्या सुरक्षा रक्षकानेच महिला सुरक्षा रक्षकावर अॅसिड हल्ला केला आहे. यामुळे परिसरात एकच खळबळ माजली आहे.

उद्यानात नागरिक असताना सुरक्षा रक्षकाने एकतर्फी प्रेमातून हल्ला केला आहे. हल्ल्यात सुरक्षा रक्षक महिला जखमी झाली आहे. तर अर्जुन चाफले असं आरोपी सुरक्षा रक्षकाचे नाव आहे. आरोपीला पोलिसांनी अटक केली आहे. (Latest News Update)

आरोपी अर्जुनने पीडितेवर अचानक हल्ला केला. मात्र ओढणी असल्यामुळे त्या थोडक्यात बचावल्या आहेत. सध्या त्यांना रुग्णालयात दाखल करण्यात आले असून उपचार सुरु आहे.

घटनेबाबत माहिती देताना पोलीस अधीक्षक प्रशांत होळकर यांनी सांगितलं की, एकतर्फी प्रेमातून हा हल्ला झाला आहे. टॉयलेट धुण्याचं अॅसिडने आरोपीने महिलेवर हल्ला केला आहे. या हल्ल्यात महिलेच्या मानेवर आणि पाठीवर जखमा दिसत आहेत. पोलिसांनी तातडीने घटनास्थळी धाव घेत महिलेला उपचारासाठी रुग्णालयात दाखल केले आहे. पोलीस अधिक सखोल तपास करत आहेत.