>> विनायक वंजारे

सिंधुदुर्ग : भरधाव डंपरने पाच महिलाना जोरदार धडक दिल्याची घटना मालवणमध्ये घडली आहे. काल संध्याकाळी काळसे हुबळीचा माळ येथे हा अपघात झाला. यात एका महिलेचा जागीच मृत्यू झाला तर अन्य चार महिला गंभीर जखमी झाल्या आहे. दोन महिलांचा प्रकृती चिंताजनक असून सर्वांना रुग्णालयात उपचार सुरु आहे.

दिवसभराचं काम उरकून महिला आपआपल्या घरी निघाल्या होत्या. मात्र कुडाळ- नेरुरपार येथून डंपर वेगाने येत होता. या डंपरने पाचही महिलांना जोरदार धडक दिली. यात एका वृद्ध महिलेचा जागाीच मृत्यू झाला आहे. (Latest Marathi News)

काही वेळातच घटनास्थळी १०८ रुग्णवाहिका दाखल झाली आणि जखमींना उपचारासाठी जिल्हा रुग्णालयात हलवण्यात आले आहे. घटनेची माहिती मिळताच पोलीस घटनास्थळी दाखल झाले.

पोलिसांनी डंपर चालक इकलास शेरखानला ताब्यात घेतलं असून तो कोल्हापूरचा असल्याची माहिती समोर आली आहे. घटनेचा अधिक तपास मालवण पोलिसांकडून करण्यात येत आहे.