बुलढाणा: बुलढाणा-अजिंठा महामार्गावर मढ फाट्याजवळ आज टिप्परने दुचाकीला धडक (Accident) दिली, या अपघातात तिघांचा जागीच मृत्यू झाला. यात एक महिला गंभीर जखमी आहे, या महिलेला रुग्णालयात दाखल केले आहे.

पोलिसांनी (Police) दिलेली माहिती अशी, बुलडाणा-अजिंठा राष्ट्रीय महामार्गवरील मढ फाट्याजवळ असलेल्या महानुभाव आश्रम समोर आज दुपारच्या सुमारास हा अपघात झाला. भरधाव टिप्परने समोरून येणाऱ्या दुचाकीला जोरदार धडक दिली. या धडकेत दुचाकीवरील ४० वर्षीय व्यक्ती जागीच ठार झाला, तर २ मुलं, ३५ वर्षीय महिला गंभीर जखमी झाली. मुलांसह महिलेला रुग्णालयाच दाखल केले, पण डॉक्टरांनी दोन्ही मुलांना मृत घोषित केले.

या अपघातात (Accident) महिला गंबीर जखमी झाली असून, त्यांच्यावर उपचार सुरू आहेत. दुचाकीवर असलेल्या ४ जणांपैकी पती, पत्नी, मुलगा व त्यांचा एक नातेवाईक मुलगा हे मढकडून औरंगाबाद जिल्ह्यातील पानवडोद या गावाकडे जात होते. यावेळी त्यांच्या मोटारसायकलचा अपघात झाला.