Pune News: देहुनगरीतला तुकाराम बीज सोहळा संपन्न करुन त्र्यंबकेश्वर येथे दर्शनासाठी जाणाऱ्या वारकऱ्यांचा अपघात झाल्याची घटना समोर आली आहे. अपघातात एका वारकऱ्याचा जागीच मृत्यू झाला आहे. तर दोन वारकरी गंभीर जखमी झाले आहेत.

देहु येथून पुणे-नाशिक महामार्गावरुन त्र्यंबकेश्वर येथे पिकअप जीपमधून 27 पुरुष-महिला वारकरी जात होते. दरम्यान मंचरजवळील एकलहरे येथे लघुशंकेसाठी खाली उतरले असताना मंचरवरुन नाशिकच्या दिशेने जाणाऱ्या एसटी बसने वारकऱ्यांना उडवले. (Lateat Marathi News)

या धडकेत एका वारकऱ्याचा जागीच मृत्यू झाला तर दोघे गंभीर जखमी झाले असून त्यांच्यावर मंचर येथील ग्रामीण रुग्णालयात उपचार सुरु आहेत. दिलीप सुतार असे अपघातात मृत्यू झालेल्या वारकऱ्याचे नाव असून एसटी बस चालकाला मंचर पोलीसांनी ताब्यात घेतलं आहे.