नागपूर : आगामी ९६ वे अखिल भारतीय मराठी साहित्य संमेलन वर्ध्यात (Wardha) होणार आहे. याबाबतची साहित्य महामंडळाच्या अध्यक्षा उषा तांबे (Usha Tambe) यांनी आज नागपुरातील आयोजित पत्रकार परिषदेत दिली. (96th Akhil Bharatiya Marathi Sahitya Sammelan)

अखिल भारतीय साहित्य महामंडळाची बैठक आज नागपुरात (Nagpur) पार पडली या बैठकीत आगामी संमेलन विदर्भात घेण्याचा निर्णय घेण्यात आला. दरम्यान, काल महामंडळाची स्थळ निवड समिती वर्ध्याला तिथले मैदान आणि वाहनतळाची पाहणी करण्यासाठी गेले होते.

हे देखील पाहा -

या समितीने सदर जागा योग्य असल्याचे पाहून वर्ध्यात पुढचे साहित्य संमेलन घेण्यात यावे अशी शिफारस केली होती. त्या शिफारशीनुसार आता अखिल भारतीय साहित्य महामंडळाने पुढचे अखिल भारतीय मराठी साहित्य संमेलन वर्ध्यातील स्वावलंबी महाविद्यालयाच्या मैदानावर घेण्याचे निश्चित केले आहे. मात्र, या संमेलनाच्या तारखा अजून ठरलेल्या नाहीत.

Edited By - Jagdish Patil