Solapur News :

उजनी धरणातून (ujani dam) अक्कलकोट (akkalkot) विधानसभा मतदारसंघातील गावांना हक्काचे पाणी मिळावे यासाठी शेकडो शेतकऱ्यांनी दक्षिण सोलापूर तालुक्यातील कुंभारी येथे बेमुदत उपोषण सुरू केले आहे. जोपर्यंत पाणी मिळणार नाही तोपर्यंत संघर्ष सुरुच राहणार असा इशारा शेतक-यांनी प्रशासनास दिला आहे. (Maharashtra News)

अक्कलकोट तालुक्यातील 51 गाव आणि दक्षिण सोलापूर तालुक्यातील 21 गावांना उजनी धरणातून हक्काचे तीन टीएमसी पाणी मिळावे अशी मागणी शेतकऱ्यांनी केली आहे. दक्षिण सोलापूर तालुक्यातील शेतकऱ्यांनी यासाठी आमरण उपोषणाला सुरुवात केली आहे.

एकरूख उपसा सिंचन योजनेअंतर्गत अक्कलकोट तालुक्यातील 51 गावे आणि दक्षिण सोलापूर तालुक्यातील 21 गावांना उजनी धरणातून पाणी देण्याची ही योजना करण्यात आली. उजनी धरणातून पाणी अक्कलकोटसह दक्षिण सोलापूर तालुक्यातील शेतकऱ्यांना मिळत नसल्याने शेतकऱ्यांनी आंदोलनाच्या हत्यार उपसले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जोपर्यंत पाणी मिळणार नाही तोपर्यंत आमरण उपोषण मागे घेतले जाणार नाही असा इशारा महेश बिराजदार यांच्यासह आंदोलक शेतक-यांनी राज्य सरकारला दिला आहे.

Edited By : Siddharth Latkar