- चेतन व्यास

Wardha : सध्या बारावीची परीक्षा (HSC Exam 2023) सुरु आहे. या परीक्षेदरम्यान कॉपीमुक्त अभियान रबविल्या जातं असून प्रशासनाने परीक्षा केंद्रावर 44 बैठे पथक तर सहा भरारी पथकची नियुक्ती केली आहे. बुधवारी रसायनशास्त्र आणि राज्यशास्त्र या विषयाच्या परीक्षेदरम्यान विविध परीक्षाकेंद्रावर 11 विद्यार्थी कॉपी करताना आढळले. या विद्यार्थ्यावर निलंबनाची कारवाई करण्यात आली आहे. (wardha latest marathi news)

१२ वी बोर्ड परीक्षेच्या रसायनशास्त्र या विषयाचा पेपरसाठी वर्धा (wardha) जिल्ह्यामध्ये ५५ केंद्रावर १६४५२ विद्यार्थी प्रविष्ठ होते त्यापैकी १६३८५ हजर होते व ६७ विद्यार्थी गैरहजर होते. अतिसंवेदनशील व संवेदनशील असे एकूण ४४ परीक्षा केंद्रावर बैठे पथक नियुक्त करण्यात आले होते. (Maharashtra News)

तसेच विभागीय मंडळांनी नियुक्त केलेले ६ भरारी पथके यांनी वेगवेगळ्या केंद्रास भेटी दिल्या. शिक्षणाधिकारी (माध्यमिक) यांच्या भरारी पथकाने मॉडेल हायस्कूल, आर्वी येथे भेट दिली असता २ विद्यार्थी कॉपी करताना आढळून आले तर आदर्श हायस्कूल, आंजी येथील दुपारच्या सत्रात सुरू असणारा राज्यशास्त्रच्या पेपरला २ कॉपीबहाद्दरला रंगेहाथ पकडले.

उपशिक्षणाधिकारी (माध्यमिक) जि. प. वर्धा यांच्या भरारी पथकांनी वायगाव (नि) येथे स्व. भैय्यासाहेब उरकांदे क. महाविद्यालय येथे भेट दिली असता तेथे ३ कॉपीबहाद्दरवर कारवाई केली. बुरकोणी येथील संत साईबाबा महाविद्यालय येथील ४ कॉपीबहाद्दरवर कारवाई केली. असे एकूण बारावीच्या 11 विद्यार्थ्यांवर कारवाई करण्यात आली आहे.

Edited By : Siddharth Latkar