गडचिरोली जिल्ह्यातील आरमोरी विधानसभा मतदारसंघात महायुतीतील भारतीय जनता पार्टी कृष्णा दामाजी गजबे यांनी निवडणूक लढवली आहे. त्यांच्या विरोधात महाविकास आघाडीतील काँग्रेसचे रामदास मालुजी मसराम हे निवडणुकीच्या रिंगणात होते.

२०१९ च्या विधानसभा निवडणुकीत भाजपाचे उमेदवार कृष्णा गजबे यांनी विजय मिळवला होता. त्यानंतर यावेळी त्यांना पुन्हा उमेदवारी देण्यात आली. याठिकाणी भाजपच पारड जड असलं तरी संभाव्य आमदार कोण असणार याबद्दल व्हरचा रंगल्या आहेत. सकाळच्या एक्झिट पोलनुसार आरमोरी मतदारसंघात कृष्णा गजबे यांना यांना मतदारांचा कौल मिळण्याची शक्यता आहे. त्यामुळे यंदाच्या विधानसभा निवडणूक निकालानंतर संभाव्य आमदार म्हणून कृष्णा गजबे यांचं नाव समोर येत आहे.

एकंदरीतच एक्झिट पोलची आकडेवारी संभाव्य असली तरी आरमोरी विधानसभेत मतदार कुठेतरी भाजपला आपला कौल देताना दिसत आहेत. या ठिकाणी 71 टक्के इतकं मतदान काल झालं आहे. भाजप विरुद्ध कॉंग्रेस अशी सरळ लढत या ठिकाणी झाली आहे. मात्र कॉंग्रेसचे 10 वर्ष आमदार राहिलेले आनंदरावजी केडाम यांनी अपक्ष अर्ज दाखल केल्याने याठिकाणी कॉंग्रेसच्या मतांची विभागणी झाली आहे. त्याचाच फायदा भाजपला आणि कृष्णा गजबे यांना होणार आहे. त्यामुळे पुन्हा एकदा संभाव्य आमदार म्हणून गजबे यांचंच नाव पुढे येत आहे.