MVA Maharashtra Seat Sharing Formula : विधानसभा निवडणूकीची (maharashtra politics) घोषणा झाली. तर दुसरीकडे महाविकास आघाडीचा संभाव्य जागा वाटपाचा फॉर्म्युला समोर आलाय आहे. दोन तीन दिवसांमध्ये उमदेवारांची घोषणा होण्याची शक्यता आहे. जागावाटपात काँग्रेस मोठा भाऊ ठरल्याचे दिसत आहे.

विधानसभा निवडणुकीचं बिगुल वाजलंय.. त्यापार्श्वभूमीवर महाविकास आघाडीच्या जागा वाटपाची चर्चा अंतिम टप्प्यात असून संभाव्य जागा वाटपाचा फॉर्म्युला समोर आलाय... तर या जागा वाटपात इंडिया आघाडीतील घटकपक्षांनाही समावून घेण्यात आलाय..मात्र हा जागा वाटपाचा फॉर्म्युला नेमका काय आहे? पाहूयात....

मविआचा जागावाटपाचा फॉर्म्युला ठरला?

काँग्रेस -119 जागा, ठाकरे गट -86 जागा, शरद पवारांच्या राष्ट्रवादीला 75, तर शेकाप - 3, समाजवादी पक्ष -3 आणि कम्युनिस्ट पक्षाला 2 जागा देण्याचा फॉर्म्युला ठरल्याची माहिती समोर आलीय...

लोकसभा निवडणुकीत महाविकास आघाडीत सर्वाधिक जागा जिंकत काँग्रेस मोठा पक्ष ठरला होता. मात्र शरद पवारांनी 80 टक्के स्ट्राईक रेटसह महाविकास आघाडीत आपला वरचष्मा कायम राखला होता.. लोकसभा निवडणूकीत नेमकं काय चित्रं होतं पाहूयात....

लोकसभा निवडणुकीतील स्थिती

काँग्रेस 13

ठाकरे गट- 9

राष्ट्रवादी (SP) - 8

महाविकास आघाडीचा संभाव्य जागा वाटपाचा फॉर्म्युला समोर आला असला तरी अजूनही 15-20 जागांवर तिढा कायम असल्याची माहिती सुत्रांनी दिलीय.. तर संभाव्य जागा वाटपानुसार काँग्रेसच मोठा भाऊ आहे. मात्र महाविकास आघाडीत मोठा भाऊ, लहान भाऊ याचा विचार न करता एकत्र लढण्याचा निर्धार विरोधी पक्षनेते विजय वडेट्टीवारांनी केलाय..

मविआचं जागा वाटपाचं गणित ठरलं?

हरियाणात फटका बसल्याने काँग्रेसनेही सावध भूमिका घेतलीय. मात्र लोकसभेला जलवा दाखवल्यानंतरही पवारांनी कमी जागा घेण्याची भूमिका घेतल्याने मविआतील पक्ष बुचकाळ्यात पडलेत...तर हा नवा फॉर्म्युला ठाकरे गट, पवारांचा पक्ष आणि मविआतील घटकपक्षांना मान्य होणार का? यावर सत्तेचं गणित अवलंबून असणार आहे.